નિવેદન / મોઈત્રાના માતાજી પર વિવાદિત નિવેદન પર TMC દૂર રહ્યું, તો કોંગ્રેસના દિગ્ગજ નેતાએ આપી દીધું સાંસદની વાતને સમર્થન

• TMC વિવાદિત નિવેદનથી દૂર રહ્યું તો કોંગ્રેસ નેતા શશી થરૂર આવ્યા મહુઆના સમર્થનમાં 
• મહુઆ કોઈની ભાવનાઓને ઠેસ પહોંચાડવાનો પ્રયાસ કરી રહી નથી: શશી થરૂર 
• દેશમાં એવી સ્થિતિ બની ગઈ છે કે ધર્મના કોઈપણ પાસાં પર કોઈ કંઈ બોલી શકતું નથી: શશી થરૂર 

તૃણમૂલ કોંગ્રેસ (TMC)ના સાંસદ મહુઆ મોઇત્રા વિવાદ વચ્ચે હવે શશિ થરૂરનું નિવેદન સામે આવ્યું છે. શશી થરૂરે  TMCના સાંસદ મહુઆ મોઇત્રાને સમર્થન આપતા કહ્યું છે કે, મહુઆ મોઇત્રા કોઈની ભાવનાઓને ઠેસ પહોંચાડવાનો પ્રયાસ કરી રહી નથી. આજે દેશમાં એવી સ્થિતિ બની ગઈ છે કે ધર્મના કોઈપણ પાસાં પર કોઈ કંઈ બોલી શકતું નથી. કોંગ્રેસના નેતાએ કહ્યું છે કે, તેઓ મહુઆ મોઇત્રા પરના હુમલાથી આઘાતમાં છે. તેમણે કહ્યું જે બધા હિંદુઓ જાણે છે. 

TMC આ નિવેદનથી દૂર રહ્યું તો કોંગ્રેસ નેતા આવ્યા સમર્થનમાં 

કોંગ્રેસ નેતા શશિ થરૂરનું નિવેદન એવા સમયે આવ્યું છે જ્યારે TMCએ પણ પોતાના ફાયર બ્રાન્ડ લીડરના નિવેદનથી દૂરી બનાવી છે. નોંધનીય છે કે, મહુઆ મોઇત્રાએ મંગળવારે દેવી કાલી પર વિવાદિત નિવેદન આપ્યું હતું. તેણે કહ્યું હતું કે તે મા કાલીને માંસાહારી અને દારૂ પીનાર દેવી તરીકે જુએ છે. મહુઆ વિરુદ્ધ ભોપાલમાં FIR નોંધવામાં આવી છે. તેની ધરપકડની માંગ ઉઠી છે.

1/2 I am no stranger to malicious manufactured controversy, but am still taken aback by the attack on @MahuaMoitra for saying what every Hindu knows, that our forms of worship vary widely across the country. What devotees offer as bhog says more about them than about the goddess.

— Shashi Tharoor (@ShashiTharoor) July 6, 2022

મહુઆ મોઇત્રાના નિવેદનથી રાજકારણ ગરમાયું 

TMC નેતા મહુઆ મોઇત્રાના નિવેદનને લઈ રાજકારણ ગરમાયું છે. ભારતીય જનતા પાર્ટી (BJP)એ મહુઆ મોઇત્રાના રાજીનામાની માંગ કરી છે. તેમણે કહ્યું છે કે, ટીએમસી માત્ર મહુઆના નિવેદનને ટાળી શકે નહીં. બંગાળ ભાજપના અધ્યક્ષ સુકાંત મજુમદારે ચેતવણી આપી છે કે, પાર્ટીની મહિલા મોરચા પાંખ તેની વિરુદ્ધ ધરણા કરશે. બંગાળ વિધાનસભામાં વિપક્ષના નેતા શુભેન્દુ સરકારે કહ્યું છે કે, તેઓ નુપુર શર્મા વિરુદ્ધ વધુ સક્રિય હતા. લુકઆઉટ નોટિસ પણ જારી કરવામાં આવી હતી. હવે મહુઆ પર કડક પગલાં લેવાનો સમય આવી ગયો છે. તેના જવાબમાં મહુઆ મોઇત્રાએ ટ્વીટ કરીને કહ્યું કે તે કાલિની ભક્ત છે. તે ભાજપના ગુંડાઓથી ડરવાની નથી.

કોંગ્રેસ નેતા શશિ થરૂરે શું કહ્યું?

શશિ થરૂરે મહુઆના સમર્થનમાં ટ્વિટ કરીને લખ્યું કે, આ આખો વિવાદ સર્જાયો છે. તેનો દૂષિત ઈરાદો છે. તે તેનાથી અપરિચિત નથી. આમ છતાં મહુઆ મોઇત્રા પર થયેલા હુમલાથી તે ચોંકી ગયા છે. મહુઆ એ કહ્યું જે બધા હિંદુઓ જાણે છે. આપણી પાસે પૂજાના વિવિધ સ્વરૂપો છે. ભક્તો ભોગ તરીકે શું આપે છે તે દેવી કરતાં તેમના વિશે વધુ જણાવે છે. કોંગ્રેસ નેતાએ કહ્યું કે અમે એવા મંચ પર આવી ગયા છીએ જ્યાં ધર્મના કોઈ પણ પાસાં વિશે જાહેરમાં કશું કહી શકાય નહીં. સ્પષ્ટ છે કે, મહુઆ મોઇત્રા કોઈની ભાવનાઓને ઠેસ પહોંચાડવા માંગતી ન હતી.