- ટીએમસી સાંસદ અભિષેક બેનરજીના અમિત શાહ પર પ્રહાર
- ટીએમસીને ત્રિપુરામાં પણ વિજય મળવાનો છે
- અમિત શાહમાં તાકાત હોય તો ટીએમસીને રોકી દેખાડે
- કોલસા કૌભાંડમાં અભિષેકને હાજર થવાનું ઈડીનું ફરમાન છે
- ઈડીનુ સમન મળતા અભિષેક બેનરજીએ કર્યાં પ્રહાર
કોલસા કૌભાંડમાં 6 સપ્ટેમ્બરે હાજર થવાનું ઈડી તરફથી સમન મળ્યા બાદ કેન્દ્રીય ગૃહમંત્રી અમિત શાહ પર નિશાન સાધતા મમતાએ કહ્યું કે ટીએમસીને ત્રિપુરામાં પણ વિજય મળવાનો છે, અમિત શાહમાં તાકાત હોય તો ટીએમસીને રોકી દેખાડે.
સરકાર ઈડી અને સીબીઆઈ દ્વારા ડરાવવાનો પ્રયાસ કરી રહી છે
એક કાર્યક્રમને સંબોધિત કરતા અભિષેક બેનરજીએ જણાવ્યું કે કેન્દ્ર સરકાર ઈડી અને સીબીઆઈ દ્વારા અમને ડરાવવાનો પ્રયાસ કરી રહી છે પરંતુ અમે ભયભીત થવાના નથી. તેમણે કહ્યું કે ઈડી અને સીબીઆઈને અમારી પાછળ લગાડી દેવામાં આવી છે. અમિત શાહને પડકાર આપતા તેમણે કહ્યું કે કોઈ માના લાલમાં હિંમત હોય તો અમને રોકીને દેખાડે. આ બંગાળની માટી છે અહીં રામકૃષ્ણ પરમહંસ અને સ્વામી વિવેકાનંદ જેવી હસ્તીઓ પેદા થઈ છે.
ત્રિપુરામાં ટીએમસીને જીત થવાની છે, અમિત શાહમાં તાકાત હોય તો રોકી દેખાડે
અભિષેક બેનરજીએ કહ્યું કે જે પણ રાજ્યમાં લોકશાહીની હત્યા થઈ રહી છે તે રાજ્યોમાં ટીએમસી જશે અને લોકોની લડાઈ લડતી રહેશે. જો ભાજપને એવું લાગતું હોય તો અમે અટકી જશું તો હું તેમને કહેવા માગું છું કે અમે કોઈનાથી ડરવાના નથી. તેમણે કહ્યું કે જે પણ રાજ્યમાં ટીએમસી પ્રવેશ કરશે, હું અમિત શાહને પડકાર આપું છું કે તેને રોકી દેખાડો, અમે ત્રિપુરા જીતી લઈશું.
ભાજપ અમારી સામે કેન્દ્રીય એજન્સીઓનો ઉપયોગ કરી રહ્યો છે
સીએમ મમતાએ બેનરજીએ જણાવ્યું કે ભાજપ અમારી સામે કેન્દ્રીય એજન્સીઓનો ઉપયોગ કરી રહ્યો છે. પોતાની સામે રાજકીય લડાઈ લડવાનો પડકાર આપતા મમતાએ જણાવ્યું કે તમે શા માટે અમારી સામે ઈડીનો ઉપયોગ કરી રહ્યાં છો. તમારા પ્રહારની સામે અમે આકરો જવાબ આપીશું. અમને લડતા આવડે છે. અમને ગુજરાતના ઈતિહાસની ખબર છે.
.jpg)
મમતાએ કહ્યું કે કૌલસા કૌભાંડમાં ભ્રષ્ટાચાર બદલ ટીએમસી સામે આંગળી ઉઠે શકે તેવું કોઈ પણ કારણ નથી. આ કેન્દ્ર સરકારનું કૌભાંડ છે. તેના મંત્રીઓનું શું. બંગાળના આસનસોલ પ્રદેશમાં કૌલસાની ખાણોની લૂંટ ચલાવનાર ભાજપ નેતાઓની સામે શું પગલાં ભરશો.
ઉલ્લેખનીય છે કે ટીએમસીના સ્થાપના દિવસે જ ઈડીએ ટીએમસી સાંસદ અને મમતાના ભત્રીજા અભિષેક બેનરજીને કોલસા કૌભાંડમાં 6 સપ્ટેમ્બરે રુબરુ હાજર થવાનું ફરમાન પાઠવ્યું છે.
