કામની ટિપ્સ / જે પ્રેગ્નેન્ટ સ્ત્રીઓની ઈમ્યૂનિટી નબળી હોય તેમણે શિયાળામાં કરવા આ ખાસ ઉપાય, મા અને બાળક બંને હેલ્ધી રહેશે

• શિયાળામાં પ્રેગ્નેન્ટ મહિલાઓએ સ્વાસ્થ્યનું ખાસ ધ્યાન રાખવું
• ઈમ્યૂનિટી નબળી હોય તેમને ઘણી સમસ્યાઓ થઈ શકે છે
• શરદી, ખાંસી, ઈન્ફેક્શનથી બચવા કરો આ કામ

વિટામિન સીથી ભરપૂર ખોરાક ખાઓ

સંતરા, લીંબુ, માલ્ટા, આમળા વગેરેમાં વિટામિન સી સારી માત્રામાં હોય છે. વિટામિન સી શરીરમાં ઈમ્યૂનિટી વધારે છે અને જલ્દી બીમાર થવાની શક્યતા ઘટાડે છે. જેથી પ્રેગ્નેન્સીમાં વિટામિન સીયુક્ત વસ્તુઓ અવશ્ય ખાવી. આ સિવાય બ્રોકલી અને જામફળ ખાવાથી પણ વિટામિન સીની કમીને પૂર્ણ કરી શકાય છે. 

પ્રોટીનને ન કરવું ઈગ્નોર

પ્રેગ્નેન્સી દરમ્યાન ડાયટમાં પ્રોટીન પર ધ્યાન આપવું જરૂરી છે. કેટલીક મહિલાઓ દૂધ, માખણ, ઘી, પનીર વગેરે જાડી થઈ જવાને કારણે ખાતી નથી પણ આવું કરવાથી ગર્ભસ્થ બાળકના વિકાસ અને હાડકાઓની મજબૂતી માટે પ્રોટીન જરૂરી છે. જેથી ઘઉં, ઈંડા, ચિકન, ફિશ, દૂધ, દાળો વગેરે ડાયટમાં સામેલ કરવાથી માં અને ગર્ભસ્થ બાળક બંને હેલ્ધી રહે છે. 

ભરપૂર પાણી પીવો

શિયાળામાં તરત ઓછી લાગે છે. જેથી પાણી ઓછું પીવાય છે. પણ પ્રેગ્નેન્સીનાં બોડી ડિટોક્સ થવી અને હાઈડ્રેટ રહેવી જરૂરી છે. નહીં તો માથાનો દુખાવો, સ્કિનમાં ડ્રાયનેસ, ગભરામણ, બેચેની જેવી સમસ્યાઓ થવા લાગે છે. જેથી આ સમયે પૂરતાં પ્રમાણમાં પાણી અને લિક્વિડ લેતા રહેવું. 

સિઝનલ ફળો અને શાકભાજી ખાઓ

શરીરમાં પોષક તત્વોની કમીને પૂર્ણ કરવા અને ઈમ્યૂનિટી વધારવા માટે રોજ સિઝનલ ફળો અને શાકભાજી અવશ્ય ડાયટમાં સામેલ કરવા. 

સ્કિન ઈન્ફેક્શનથી બચવું

શિયાળામાં ઠંડા પવનને કારણે સ્કિનમાં ડ્રાયનેસ અને ખુજલીની સમસ્યા થાય છે. જેથી સ્કિનને હેલ્ધી રાખવા વધુ ગરમ પાણીથી નહાવું નહીં અને મોઈશ્ચરાઈઝર રોજ લગાવવું. આ સિવાય તમે સપ્તાહમાં 2-3વાર નારિયેળ અથવા ઓલિવ ઓઈલ પણ લગાવી શકો છો.