TikTok Pro મેલવેયર(વાયરસ) તમારા ફોનમાંથી માહિતી ચોરી કરી શકે છે. WhatsApp પર નકલી વોટ્સ એપ ગ્રુપના માધ્યમથી આને ફેલાવવામાં આવી રહ્યું છે. આ નકલી TikTok એપના રુપે ફેલાવવામાં આવી રહ્યું છે. જેને થોડાક સમય પહેલા બંધ કરવામાં આવી છે. આ માહિતી મહારાષ્ટ્ર સાઈબર સેલે શેર કરી છે. ટિકટોક પર પ્રતિબંધ લાગતા કેટલાક ટિકટોક લવર તેને વોટ્સ એપ ગ્રુપમાં શેર કરી રહ્યા છે. તેમજ લિંકના માધ્યમથી તેને ડાઉનલોડ કરી રહ્યા છે. તે લોકો એ વાતથી અજાણ છે કે આ એક નકલી એપ છે અને તે એક વાયરસ છે.
તેમ છતાં સરકારે આ વાયરસથી લોકોને ચેતવવા પડી રહ્યા છે
સાઈબર સેલે ટ્વીટ કરી લોકોને ટિકટોક સ્કેમ વિશે આગાહ કર્યા
આ તમારા ફોનમાંથી સંવેદનશીલ માહિતી ચોરી કરે છે
મહારાષ્ટ્ર સરકારે આ મેલવેયર એપની વિરુદ્ધ યુઝર્સને સાવધાનીથી વર્તવા ચેતવણી જાહેર કરી છે. કેમકે આ તમારા ફોનમાંથી સંવેદનશીલ માહિતી ચોરી કરે છે. TikTok Pro મેલવેયર એપ મુળ TikTok એપની જેવું જ દેખાય છે. જે તમારા ફોનમાં કેમેરા, ઈમેજ ગેલેરી, માઈક અને અન્ય વસ્તુઓનું એક્સેસ માંગે છે.
સરકાર દ્વારા પ્રતિબંધિત 59 એપમાં ટિકટોક સૌથી વધારે લોકપ્રિય હતું તેની ગેરહાજરીમાં અનેક એપ ઉભરી આવ્યા છે. એટલું જ નહીં Facebookના Instagramએ પણ ટિકટોકની વિકલ્પમાં પોતાના Reels લોન્ચ કર્યુ છે. તેમ છતાં સરકારે આ વાયરસથી લોકોને ચેતવવા પડી રહ્યા છે.
મહારાષ્ટ્ર સાઈબર સેલે ટ્વીટ કરી લોકોને આ નવા એપ ટિકટોક સ્કેમ વિશે આગાહ કર્યા છે. સરકારી સલાહકારનું કહેવું છે કે લોકો હવે ટિકટોક પ્રો નામની એક મેલવેયર એપને પ્રોત્સાહિત કરીને ટિકટોકની લોકપ્રિયતાનો ફાયદો ઉઠાવી રહ્યા છે. ગુનેગારો TikTok Proને બેન કરાયેલા ટિકટોકનો વિકલ્પ ગણાવી રહ્યા છે. તેઓ વિભિન્ન પ્લેટ ફોર્મ પર ટેક્સ મેસેજ મોકલીને લોકોને આ એપ ડાઉનલોડ કરવા માટે લિંક મોકલી રહ્યા છે. મેસેજમાં લખ્યું હોય છે કે ટિકટોક વીડિયોની મજા માણો અને નવા વીડિયો બનાવો. હવે ટિકટોક ટિકટોક પ્રોમાં ઉપલબ્ધ છે. નીચેની લિંક ડાઉનલોડ કરો. સરકારે સલાહ આપી છે કે લિંક પર ક્લિક ન કરો. કે પછી એપીકે ફાઈલ ડાઉનલોડ ન કરો કેમ કે તે વાયરસ હોઈ શકે છે.