દુર્ઘટના / મહેસાણામાં ટ્રક અને એક્ટિવા વચ્ચે ગમખ્વાર અકસ્માતમાં સ્કૂટર પર સવાર 3ના મોત

• વડનગર-વિસનગર હાઇવે પર અકસ્માત 
• ટ્રક અને એક્ટિવા વચ્ચે સર્જાયો હતો અકસ્માત
• અકસ્માતમાં સ્કૂટર પર સવાર 3 ના મોત

મહેસાણામાં વડનગર-વિસનગર હાઈવે પર ગુંજા ગામ નજીક ટ્રક અને એક્ટિવા વચ્ચે ગમખ્વાર અકસ્માત સર્જાયો હતો. ટ્રકે એક્ટિવાને ટક્કર મારતા એક્ટિવા પર સવાર 3 લોકોના મોત થયા હતા. ત્રણેય યુવકોના ઘટના સ્થળે જ મોત નિપજ્યા હતા. અકસ્માત એટલો ભયંકર હતો કે એક્ટિવાનો કચ્ચરઘાણ વળી ગયો છે. આ મામલે વડનગર પોલીસ ઘટનાસ્થળે પહોંચી તપાસ હાથ ધરી છે.

મહત્વનું છે કે, 2 દિવસ અગાઉ(1 ડિસેમ્બર) મહેસાણા ગામના વતનીઓ દ્વારકાધીશના દર્શન કરી પરત અલ્ટો કારમાં મહેસાણા જતા હતા. આ વખતે દ્વારકા- જામનગર હાઇવે પર દ્વારકાથી 15 કિમી દુર ધ્રેવાડ ગામ પાસે સામેથી રોંગ સાઇડમાં આવી રહેલ એક ટ્રકે અલ્ટો કારને ટક્કર મારતા એક મહિલા અને ત્રણ પુરૂષને મોત થયા હતા.