અમદાવાદના વેજલપુર વિસ્તારમાં રહેતી એક વૃદ્ધ મહિલાને ફોન કહ્યું કે હું વિક્રમ ઠાકોર બોલું છું મને તમારી પૌત્રી સાથે વાત કરવો નહીં તો હું દવા પીને મરી જઈશ અને તમને બધાને ફસાવી દેવાની ધમકી અપાઈ હોવાની ઘટના પ્રકાશમાં આવી છે.
વેજલપુર પો.સ્ટેશનમાં ફરિયાદ
મોબાઇલ પર યુવકેનો આવ્યો ફોન
હું વિક્રમ ઠાકોર તમારી પૌત્રી સાથે વાત કરાવો
વેજલપુર વિસ્તારમાં રહેતા એક વૃદ્ધાએ વેજલપુર પોલીસ સ્ટેશનમાં અજાણ્યા યુવક વિરુદ્ધમાં ફરિયાદ કરી છે કે, ગઈકાલે વૃદ્ધ મહિલા ડેરી પર છાસ લેવા ઘરેથી નીકળ્યા ત્યારે તેમના મોબાઇલ પર એક યુવકનો ફોન આવ્યો હતો.
હું વિક્રમ ઠાકોર, તમારી પૌત્રી સાથે વાત કરાવો નહીંતર...
યુવકે ફોનમાં કહ્યું કે હું વિક્રમ ઠાકોર પઠાણથી બોલું છું, મારે તમારી પૌત્રી જોડે વાત કરવી છે, મને વાત કરવો. જેથી વૃદ્ધ મહિલા યુવકને કહ્યું કે તને ઓળખતી નથી તું હવેથી ફોન ના કરતો અમારે તારું કઈ કામ નથી. આમ કહ્યું હોવા છતાં આ યુવકે વૃદ્ધાને ધમકી આપી હતી કે જો તમે વાત નહીં કરાવો તો હું દવા પીઇને મરી જઇશ અને મારી લાશ તમારા ઘરે આવશે. તમે બધા ફસાઇ જશો. આમ કહીને ધમકી આપતા વૃદ્ધ મહિલાએ ફોન કાપી નાખ્યો હતો.
યુવકે ફરી ફોન કરીને આપી ધમકી
થોડીવાર બાદ ફરીથી યુવકનો ફોન આવ્યો હતો. તે કહેવા લાગ્યો હતો કે જો તમે તમારી પૌત્રી સાથે મારી વાત કરાવશો નહી તો હું કાલે તમારા ઘરે આવીને તેને ઉઠાવી જઇશ. વારંવાર ફોન પર અલગ અલગ ધમકીઓથી કંટાળીને વૃદ્ધાએ વેજલપુર પોલીસ સ્ટેશનમાં ફરિયાદ કરી હતી, હાલમાં પોલીસે ગુનો નોંધી વૃદ્ધાનાં મોબાઇલ પર આવેલ નંબર પરથી વધુ તપાસ શરૂ કરી છે.