બિઝનેસ / આ વર્ષે અંબાણી-અદાણી સિવાય તમામ અમીરોની નેટવર્થમાં જોરદાર નુકસાન, મસ્કના જ રૂ.726570 કરોડ ડૂબ્યાં 

• બ્લૂમબર્ગ બિલિયોનેર ઈન્ડેક્સના રિપોર્ટમાં મોટો ખુલાસો 
• અંબાણી-અદાણી સિવાય તમામ અમીરોની નેટવર્થમાં જોરદાર નુકસાન
• એલન મસ્ક, માર્ક ઝુકરબર્ગ સહિત ટોચના અમીરોની નેટવર્થમાં તીવ્ર ઘટાડો થયો

ભારત અને એશિયાના સૌથી મોટા અમીર વ્યક્તિ ગૌતમ અદાણી આ વર્ષે સારી કમાણી કરવામાં ટોચ પર છે. બ્લૂમબર્ગ બિલિયોનેર ઈન્ડેક્સ અનુસાર આ વર્ષે તેની કમાણી રોકેટ ગતિએ વધી છે. અદાણી ગ્રુપના ચેરમેનની નેટવર્થમાં પણ આ વર્ષે $56.4 બિલિયનનો વધારો થયો છે અને તેઓ $133 બિલિયનની કુલ નેટવર્થ સાથે વિશ્વના સૌથી ધનિકોની યાદીમાં ત્રીજા નંબરે છે. નોંધનીય છે કે, વિશ્વના ટોચના 10 અમીરોમાં માત્ર અદાણી અને રિલાયન્સ ઈન્ડસ્ટ્રીઝના ચેરમેન મુકેશ અંબાણીની નેટવર્થમાં જંગી વધારો જોવા મળ્યો છે. આ વર્ષે અન્ય તમામ ટોચના અમીરોની નેટવર્થમાં તીવ્ર ઘટાડો થયો છે.

આ વર્ષે વિશ્વના ટોચના અબજોપતિઓની નેટવર્થમાં ભારે ઘટાડો નોંધાયો છે.  બ્લૂમબર્ગ બિલિયોનેર ઈન્ડેક્સ અનુસા આ વર્ષે ટેસ્લા અને સ્પેસએક્સના CEO એલોન મસ્કની નેટવર્થમાં આ વર્ષે અત્યાર સુધીમાં 89.7 બિલિયનનો ઘટાડો થયો છે. આ યાદીમાં  મેટા ફેસબુકની પેરેન્ટ કંપનીના CEO માર્ક ઝુકરબર્ગનું નામ છે, જેમની નેટવર્થમાં 82.9 બિલિયનનો ઘટાડો થયો છે. તો એમેઝોનના સ્થાપક જેફ બેઝોસની નેટવર્થમાં આ વર્ષે 74.3 બિલિયનનો ઘટાડો નોંધાયો છે.

આ સાથે બેઝોસની કુલ સંપત્તિ 118 બિલિયન છે અને તે વિશ્વના અમીરોની યાદીમાં ચોથા નંબર પર છે. આ વર્ષે બિલ ગેટ્સની નેટવર્થ 25.3 બિલિયન, વોરેન બફેટની નેટવર્થ 1.61 બિલિયન, લેરી એલિસનની નેટવર્થમાં 14.3 બિલિયન, લેરી પેજની નેટવર્થમાં 37.6 બિલિયન અને સેર્ગેઈ બ્રિનની નેટવર્થમાં 36.5 બિલિયનનો ઘટાડો થયો છે. એક સમયે ત્રીજા નંબરે રહેતા ઝુકરબર્ગ હવે 42.5 બિલિયન ડોલર સાથે 27માં નંબરે આવી ગયા છે.

કોની સંપત્તિમાં કેટલો ઘટાડો ? 

• એલન મસ્ક:  89.7 અબજ ડોલરનો ઘટાડો  
• માર્ક ઝુકરબર્ગ: 82.9 અબજ ડોલર (ત્રીજા નંબરે રહેતા માર્ક ઝુકરબર્ગ હવે 27માં નંબરે)
• જેફ બેઝોસ: 74.3 અબજ ડોલર (બેઝોસ વિશ્વના અમીરોની યાદીમાં ચોથા નંબરે)
• બિલ ગેટ્સ: 25.3 અબજ ડોલરનો ઘટાડો
• વોરેન બફેટ: 1.61 અબજ ડોલરનો ઘટાડો
• લેરી એલિસન: 14.3 અબજ ડોલરનો ઘટાડો
• લેરી પેજ: 37.6 અબજ ડોલર ઘટી
• સેર્ગેઈ બ્રિન: 36.5 અબજ ડોલર ઘટી