મતદાન એ નાગરિકના અધિકાર હોવા ઉપરાંત જે તે નાગરિકની દેશ માટેની ભક્તિ અને ફરજનો ભાગ પણ છે. મતદાન કરી લોકો દેશ માટેની ફરજ પુરી કરતા હોય છે. ત્યારે યુવાનો તો ઠીક વૃદ્ધો પણ આ ફરજ પુરી કરવામાં ક્યાકેય પાછા નથી પડતા એવું સાબિત થયું છે દિલ્હી વિધાનસભાની ચૂંટણીમાં . દિલ્હીમાં સૌથી મોટી ઉંમરના વૃદ્ધોએ મતદાન કરી લોકોનો ઉત્સાહ વધાર્યો છે.
110 વર્ષના વૃદ્ધાએ મતદાન કર્યું
108 વર્ષના વૃદ્ધાએ પોતાના મતાધિકારનો ઉપયોગ કર્યો હતો
દિલ્હીમાં વિધાનસભાની ચૂંટણીમાં મતદાન કરવા માટે યુવાનો તો ઠીક વૃદ્ધોમાં પણ ઉત્સાહ જોવા મળી રહ્યો છે. યુવાન હોય અથવા 100થી વધુ વર્ષના વૃદ્ધ તમામ લોકો મતદાન કરવા માટે બુથ પર પહોંચી રહ્યા છે. ત્યારે બાદરપુર વિસ્તારમાં રહેતા 108 વર્ષના વૃદ્ધાએ પોતાના મતાધિકારનો ઉપયોગ કર્યો હતો. તો બીજી તરફ 110 વર્ષની ઉમરમાં સી.આર.પાર્ક વિસ્તારમાં રહેતા વૃદ્ધાએ મતદાધિકારનો ઉપયોગ કર્યો. કાલિતાર મંડલે અત્યાર સુધી તમામ ચૂંટણીમાં મતાધિકારનો ઉપયોગ કર્યો છે. અને આજે મતદાન કરવા માટે તેઓ વહેલી સવારથી તૈયાર થઈને બેઠા હતા.