ઓટોમોબાઈલ / માત્ર 7 થી 8 રૂપિયામાં 100 કિમી દોડશે આ ભારતીય બાઈક, જાણો શું છે એની કિમત

• ભારતીય કંપનીએ બનાવી છે અદ્ભુત ઈલેક્ટ્રોનિક બાઈક 
• 7 થી 8 રૂપિયામાં થાય છે ચાર્જ, એક વારમાં 100 કિમી દોડશે 
• Atum 1.0 બાઈકની બેટરી પર મળે છે 2 વર્ષ લાંબી વોરંટી

હૈદરાબાદ સ્થિત ઇલેક્ટ્રિક વ્હિકલ સ્ટાર્ટ-અપ કંપની Atumobile Pvt. Ltd એ નવી પેઢીની ઇલેક્ટ્રિક બાઇક એટોમ 1.0 (Atum 1.0) લોન્ચ કરી છે. જે ખૂબ જ અસરકારક, પ્રભાવલક્ષી, રેસર શૈલીની બાઇક જણાઈ રહી છે અને આ ઇલેક્ટ્રિક બાઇક ખાસ ભારતીય બજારની જરૂરિયાતો મુજબ બનાવાઇ છે. આ નવા Atum 1.0 ની બેઝ પ્રાઈસ રૂ. 50,000 છે જે તેના મજબૂત સ્ટ્રક્ચર અને રેટ્રો, વિંટેજ ડિઝાઇનથી ઇ-મોબિલિટીને ડિફાઇન કરે છે. આ બાઇક Atumobile Pvt. Ltdના પોર્ટલ પર પણ ઉપલબ્ધ છે.

સંપૂર્ણ ચાર્જિંગ સાથે 100 કિમી સુધી ચાલી શકે છે 

પોર્ટેબલ લિથિયમ-આયન બેટરી પેક દ્વારા સંચાલિત આ બાઇક ફક્ત 4 કલાકમાં જ ચાર્જ થાય છે, Atum 1.0 વન-ટાઇમ ચાર્જિંગમાં 100 કિ.મી.ની રેન્જનો દાવો કરે છે. આ ઇલેક્ટ્રિક બાઇક 2 વર્ષની બેટરી વોરંટી સાથે આવે છે. બાળકો, પુખ્ત વયના લોકો બંને માટે શહેરમાં ફરવા માટે યોગ્ય છે. આ બાઇક રંગોની એક બહુ મોટી રેન્જ પણ ધરાવે છે. જેથી લોકો તેમના મનપસંદ રંગમાં પણ બાઇક મેળવી શકે છે. 

પર્યાવરણને અનુકુળ Atum 1.0 માં કમ્ફર્ટ અને પરફોર્મન્સની કાળજી રાખવામાં આવી છે. આ બાઇકને વિવિધ અને વિરોધાભાસી પરિસ્થિતિઓમાં સફળતાપૂર્વક પરીક્ષિત કર્યા પછી ડિઝાઇન પસાર કરવામાં આવી છે. તે પછી જે ફાઇનલ એડીશન બહાર આવ્યું છે, તે પ્રીમિયમ રસિંગ બાઈકની ફીલ આપે છે. ખાસ વાત એ છે કે તેને સ્વદેશી સાધનોથી તૈયાર કરવામાં આવી છે.

બાઇક રજીસ્ટ્રેશનની ઝંઝટ નહી, અને લાયસન્સની પણ ચિંતા નહી

તેલંગાણામાં સ્થિત ગ્રીનફિલ્ડ મેન્યુફેક્ચરિંગ સુવિધા હેઠળ વાર્ષિક 15,000 બાઇકની ઉત્પાદન ક્ષમતા એટોમોબાઈલ હાલ ધરાવે છે. જો કે બજારની માંગના આધારે 10,000 વધુ ઇલેક્ટ્રિક બાઇકનું ઉત્પાદન પણ કરી શકે છે. ઇન્ટરનેશનલ સેન્ટર ફોર ઓટોમોટિવ ટેકનોલોજી (ICAT) એ ઓછી સ્પીડની બાઇક તરીકે તેને માન્યતા આપી છે, જેને કમર્શિયલ હેતુ માટે તૈયાર કરી છે. વધુમાં, Atum 1.0 ને રજીસ્ટ્રેશનની જરૂર નથી અને તે ચલાવનાર વ્યક્તિને લાઇસન્સની પણ જરૂર નથી. કિશોરો પણ તેનો ઉપયોગ ચલાવવા માટે કરી શકે છે.