Sports / કોરોનાના કારણે MS ધોનીના હાથમાંથી જતી રહી આ મોટી તક : પૂર્વ સિલેક્ટરે કર્યો ખુલાસો

• કોરોનાના કારણે ધોનીના હાથમાંથી ગઇ તક
• ધોની 2020માં કરી શક્યો હોત આ કામ
• પૂર્વ સિલેક્ટર સરનદીપ સિંહે કર્યો ખુલાસો 

કેટલાક પૂર્વ ક્રિકેટ દિગ્ગજોનું કહેવું છે કે જો તે ઇચ્છે તો ટીમ ઇન્ડિયાને એક વધુ વર્લ્ડકપ અપાવીને અલવિદા કહે પરંતુ કોરોનાને કારણે ટી-20 વર્લ્ડ કપને રદ્દ કરવામાં આવ્યો અને ધોની જેવુ ઇચ્છતા હતા તેવું ન થઇ શક્યું. 

ભારતના પૂર્વ ચીફ સિલેક્ટર સરનદીપ સિંહે ખુલાસો કર્યો છે કે મહેન્દ્ર સિંહ ધોની 2020માં ચોક્કસ ટી-20 વર્લ્ડકપ રમત પરંતુ કોરોનાએ બધુ બદલી નાંખ્યુ અને ધોનીએ સન્યાસ લેવો પડ્યો. 

સરનદીપ સિંહે એક ઇન્ટરવ્યૂ વખતે કહ્યું કે ધોની ફીટ હતો અને તે 2020નો વર્લ્ડકપ રમી જ શકત. જો કોરોના વાયરસે ખલેલ ન પહોંચાડી હોત તો તે 2020નો વર્લ્ડ કપ જરૂર રમ્યા હોત. 

સરનદીપ સિંહે આગળ કહ્યું કે સિલેક્શન સમિતીના બધા જ સદસ્યોનું માનવુ હતુ કે ધોની ટી-20 વર્લ્ડકપ રમવા લાયક હતા. તે એક ખેલાડી અને કેપ્ટનના રૂપે ઇન્ડિયાને જે આપ્યુ છે તે આ મોકાના હકદાર હતા. 

ધોનીની ઉપલબ્ધિઓ

• 1 ક્રિકેટ વર્લ્ડકપ
• 1 ટી-20 વર્લ્ડકપ
• 1 ચેમ્પિયન્સ ટ્રોફી
• 3 IPL
• 2 ચેમ્પિયન્સ લીગ ટી 20
• 10773 વન ડે રન
• 4876 ટેસ્ટ રન
• 1617 ટી-20 ઇન્ટરનેશનલ રન