ટિપ્સ / કપડા સિવાય પણ આ વસ્તુઓ વોશિંગ મશીનમાં ધોઇ શકો છો

સામાન્ય રીતે વોશિંગ મશીનને માત્ર કપડા ધોવાની જ વસ્તુ માનવામાં આવે છે. આપણામાંથી મોટાભાગને ખબર નથી હોતી કે રોજબરોજના ઉપયોગમાં વોશિંગ મશીનને ખરી રીતે કેમ ઉપયોગમાં લેવુ જોઇએ? જોકે, તમને એ જાણીને આશ્ચર્ય થશે કે વોશિંગ મશીનમાં કપડા ઉપરાંત એવી ઘણી વસ્તુઓ છે જેને તમે સરળતાથી ધોઇ શકો છો.તમારા ઘરમાં એવી ઘણી વસ્તુઓ પડી હશે જેની પર તમારુ ધ્યાન તો ગયુ હશે પરંતુ ક્યારેય એ વાત પર ધ્યાન નહી આપ્યુ હોય કે એ વસ્તુઓને તમે વોશિંગ મશીનમાં પણ સાફ કરી શકો છો. 

સ્પોર્ટ્સ ઇક્વિપમેન્ટ:

સ્પોર્ટ્સ ગીયર તમારો પરસેવો શોષી લે છે. જેથી કરીને તેની પર ધૂળ જમા થાય છે. જોકે તેની સપાટી પર જમા થયેલી ધૂળ સામાન્ય રીતે જલ્દીથી સાફ થતી નથી. આ માટે સ્પોર્ટ્સ ગીયરને મેશ કવર પહેરાવો. જેથી કરીને તેના હાર્ડ બેઝને નુકસાન ન પહોંચે. આ પછી સ્લો સાઇકલમાં તેને સાફ કરો. 

રિયુઝેબલ ગ્રોસરી બેગ:
 

પ્લાસ્ટિક બેગ પર પ્રતિબંધ આવ્યા પછી કપડાની થેલી વાપરવાનું ચલણ વધ્યુ છે. જોકે તે જલ્દી ગંદી થઇ જાય છે. સામાન્ય રીતે આવી થેલીઓ શાકભાજી તેમજ કરિયાણું લાવવા માટે વપરાય છે. જેથી તેમાં ધૂળ જમા થાય છે. આ થેલીઓને વોશિંગ મશીમાં સરળતાથી ધોઇ શકાય છે.


રસોઇની બીજી વસ્તુઓ:
 


સામાન્ય રીતે રસોડામાં પણ મહિલાઓ અનેક વસ્તુઓનો ઉપયોગ કરતી હોય છે જેમ કે ઓવર ગ્લોવ્ઝ, રબરના ચોપર બેઝ અથવા તે મેટ્સ. આ દરેક વસ્તુઓ તમે વોશિંગ મશીનમાં સરળતાથી સાફ કરી શકો છો. 


યોગા મેટ્સ:
 

યોગા મેટ્સનો જો તમે રોજબરોજ ઉપયોગ કરતાં હોવ તો તે વધારે ગંદી થવાના ચાન્સ રહે છે. જોકે, આપણામાંથી મોટાભાગના લોકોએ એ વાતની જાણ નથી હોતી કે આ મેટ્સ વોશિંગ મશીનમાં પણ સરળતાથી સાફ કરી શકાય છે. થોડા ટોવેલ સાથે તમે મેટ્સને લપેટી દો. જે પછી તમે ધીમી સાઈકલ પર વોશિંગ મશીન ચલાવો. આ માટે ક્યારેય ગરમ પાણીનો ઉપયોગ ના કરો.

માઉસ પેડ્સ:

 
મોટાભાગે કોમ્પ્યુટરનો ઉપયોગ કરતાં સમયે તમે ગમે તેટલી સર્વિસ કરાવી હશે પરંતુ માઉસ પેડને ધોવા પર ધ્યાન જ નહી ગયુ હોય. માઉસ પેડમાં પણ ધૂળના રજકણો એકત્રિત થતાં હોય છે. જેથી તે મેલુ થાય છે. માઉસ પેડને સાફ કરવા માટે થોડું હુફાળુ પાણી વાપરો. ધીમી સાઇકલ પર વોશિંગ મશીનમાં ફેરવો. આ રીતે તમે સરળતાથી સાફ કરી શકશો.

સ્નીકર્સ:
 

સ્નીકર્સ સાફ કરવા એ મહેનત માગી લેતુ કામ છે. જોકે, વોશિંગ મશીમમાં સ્નીકર્સ સરળતાથી સાફ થઇ જાય છે.  થોડા ઠંડા પાણીમાં ધીમી સાઇકલ રાખીને સ્નીકર્સને તમે સરળતાથી સાફ કરી શકો છો. સારા પરિણામ માટે ટોવેલના નાના કટકા પણ રાખી શકો છો. 


કેપ્સ એન્ડ હેર એસેસરીઝ:
 

કપડા ઉપરાંત તમે ટોપી અને હેર એક્સેસરીઝને પણ સરળતાથી સાફ કરી શકો છો. જોકે આ એસેસરીઝને સાફ કરતા સમયે ધ્યાન રાખો કે વોશિંગ મશીનનું પાણી ગરમ ન હોવુ જોઇએ. કારણ કે ગરમ પાણી વોશિંગ મશીનમાં રહેલી એક્સેસરીઝના ઇલાસ્ટિકને નુકસાન પહોંચાડી શકે છે. જોકે, તમારી ટોપીમાં પૂઠાનો ઉપયોગ થયો હોય તો તેને ધોવાનું ટાળવુ. 

શાવર કર્ટેન્સ:
 

જો વાત કરવામાં આવે બાથરુમ એક્સેસરીઝની તો શાવર કર્ટેન્સને હંમેશા અવગણવામાં આવે છે. આખો દિવસ ભલે તે પાણીમાં રહેતુ હોય તતો પણ તેની પર ધૂળ  અને મેલ જામી જાય છે. જેથી તેને પણ સાફ કરવુ પડે છે. વોશિંગ મશીનમાં ધીમી સાઇકલ પર તેને સાફ કરો અને તમને ફરક જોવા મળશે.