રાજકોટઃ ચોરનો જાણે રાફડો ફાટયો હોય તેમ દિન પ્રતિદિન ચોરીની ઘટનાઓ વધી રહી છે. જેના કારણે પોલીસ પણ ઉંઘતી ઝડપાઈ છે. ત્યારે રાજકોટમાં દામાજી પાર્ક નજીકથી કારની ચોરી થયાની ઘટના સામે આવી છે. ટેલિફોન એક્સચેન્જ પાછળ પાર્ક કરેલી કારની ચોરી થઈ હતી.
કેટલાક શખ્સો કાર ચોરીને ફરાર થઈ ગયા હતા. તો આ સમગ્ર ઘટના મકાનની બહાર લાગેલા સીસીટીવી કેમેરામાં કેદ થઈ ગયા હતા. આપ દ્રશ્યોમાં જોઈ શકો છો તેમ એક વ્યક્તિ આમ તેમ આંટા ફેરા મારે છે. તેવામાં અન્ય એક વ્યક્તિ ત્યાંથી કાર લઈને ફરાર થઈ જાય છે. જોકે આ સમગ્ર મામલે પોલીસે સીસીટીવી કેમેરાના ફૂટેજની મદદથી વધુ તપાસ હાથ ધરી છે.