અમદાવાદ / મંયક અને પરિણીતા એક બીજાને અતુટ પ્રેમ કરતા હતા પરંતુ જ્ઞાતિના કારણે લગ્ન ના થઇ શક્યા

• અમદાવાદના બોપલમાં મયંક ગોસ્વામીની હત્યાનો મામલો
• હત્યા અગાઉની ઘટનાક્રમના CCTV આવ્યા સામે
• મયંકને બળજબરીથી કારમાં શખ્સોએ કર્યુ અપહરણ

અલ્પેશની પત્ની સાથે મયંકનો પ્રેમ સંબધ હોવાનો ભાંડો ફુટતા તેને કારમાં ઉઠાવી જઈ ઢોર માર મારી હોસ્પિટલનાં ગેટ પાસે ફેંકી દીધો હતો. આ હત્યાનો ભેદ બોપલ પોલીસે  ગણતરીના કલાકોમાં ઉકેલીને પાંચ આરોપી સામે કાર્યવાહી હાથ ધરી છે.

પોલીસે લોહીવાળી હોન્ડા સિટી કાર ઉપરાંત લાકડાના ધોકા કબજે કર્યા છે. પોલીસે અલ્પેશની પત્નિનું નિવેદન લીધુ જેમાં ચોકાવનારો ધટકસ્ફોટ થયો છેકે મંયક સાથે તેના 9 વર્ષથી પ્રેમસંબધ હતા જોકે જ્ઞાતિના કારણે બન્નેના લગ્ન થઇ શક્યા નહી.

આ ઘટનાની મળતી વિગતો પ્રમાણે બોપલનાં સ્ટર્લિંગ સિટીમાં રહેતા મયંકગીરી નામનાં યુવકનાં વોટ્સએપ મેસેજ સરસપુરમાં રહેતા અલ્પેશ પટેલ નામના યુવકે તેની પત્નીના ફોનમાં જોયા હતા. જેથી અલ્પેશે ઉત્તરાયણની રાત્રે મયંકગીરીને ફોન કરી સ્ટર્લિંગ સિટીથી દોઢ કિલોમીટર દૂર બોલાવ્યો હતો.

જ્યાં અલ્પેશ પટેલ તેના 3 સાગરિતોને લઇને આવ્યો હતો. આ લોકોએ સાથે મળીને મયંકગીરીને હાથ-પગ અને માથાના ભાગે લાકડીઓથી માર માર્યો હતો. ત્યારબાદ અલ્પેશ તેને કારમાં બેસાડી સ્ટર્લિંગ સિટીના ગેટ પાસે રાત્રે ફેંકી દીધો હતો. બુધવારે સવારે મયંકગીરીની લાશ મળી હતી. આ મામલે મૃતક યુવક મયંકગીરીના પિતાએ અલ્પેશ પટેલ સહિત ચાર સાગરિતો સામે હત્યાની ફરિયાદ નોંધાવી છે.

મંગળવારે રાત્રે મયંકગીરી ઈજાગ્રસ્ત હાલતમાં દોડતો દોડતો સ્ટર્લિંગ સિટી તરફ આવ્યો હતો. આ દરમિયાન એક સિક્યુરિટી ગાર્ડે તેને જોયો પણ હતો પરંતુ તેને મયંક દારૂ પીધેલો હોવાનું માન્યું હતું. પરંતુ સવારે તેની લાશ દેખાતા પોલીસને જાણ કરી હતી.

નોંધનીય છે કે, મયંકગીરી ધીરજગીરી ગૌસ્વામી છેલ્લા આઠ વર્ષથી બોપલ મારી સાથે રહી અદ્વૈવત હોસ્પિટલમાં નોકરી કરતો હતો. ગત 14મી જાન્યુઆરીએ રાત્રે સાડા અગીયાર વાગ્યે ફોન આવતા તે એક્ટીવા લઇને બહાર નિકળ્યો હતો. સવાર સુધી મયંક ઘરે આવ્યો ન હતો અને તેની લાશ મળી હતી