બર્થ ડે / એક સમયે નક્સલી હતા, આજે કરોડોની સંપત્તિના માલિક છે આ એક્ટર

 16 જૂન  1950 કોલકાતામાં જન્મેલા મિથુન ચક્રવર્તીનું નામ ગૌરાંગ ચક્રવતી છે, જોકે ફિલ્મોમાં તેમણે આ નામનો ઉપયોગ નથી કર્યો. મિથુન બોલિવુડની તે હસ્તીઓમાં શામેલ છે, જેઓ ન તો કોઇ ફિલ્મી બેકગ્રાઉન્ડમાંથી આવ્યા છે ન તો ઇન્ડસ્ટ્રીમાં કોઇ ગોડફાધર છે, પરંતુ તેમ છતાં ફિલ્મ ઇન્ડસ્ટ્રીમાં પોતાની મહેનતથી અલગ ઓળખ બનાવી છે. જાણો તેમના રસપ્રદ કિસ્સાઓ... 

મિથુનએ પોતાના ફિલ્મી કરિયરની શરૂઆત 1976માં આવેલી ફિલ્મ મૃગયાથી કરી. આ ફિલ્મમાં પોતાના દરમદાર એક્ટિંગ માટે નેશનલ એવોર્ડ આપવામાં આવ્યો. મિથુન ચક્રવર્તીનું નામ ઘણી એક્ટ્રેસની સાથે જોડાયુ, જેમાં રણજીતા, યોગીતા બાલી, સારિકા તથા શ્રીદેવી હતા, જોકે શ્રીદેવી સાથેના સંબંધો સૌથી વધારે ચર્ચામાં રહ્યા. 1984માં આવેલી ફિલ્મ 'જાગ ઉઠા ઈન્સાન'માં મિથુન-શ્રીદેવીએ પહેલી જ વાર કામ કર્યું હતું. શૂટિંગ દરમિયાન બંને વચ્ચે અફેર હોવાની વાત થવા લાગી હતી. મિથુન ચક્રવર્તીએ એક ઈન્ટરવ્યૂમાં એ વાત કબૂલી પણ હતી કે તેઓ એ શ્રીદેવી સાથે સિક્રેટલી લગ્ન કર્યાં હતાં.

કેમિસ્ટ્રી ગ્રેજ્યુએટ મિથુન ચક્રવર્તી એક સમયે નક્સલી હતાં. ઉલ્લેખનીય છે કે, પરિવારના દબાણને કારણે નક્સલવાદ છોડીને બોલિવૂડમાં કામ કરવા માટે આવ્યા હતા, હાલના સમયમાં મિથુનની પાસે મુંબઈ સિવાય ઊંટીમાં બંગલો છે. મુંબઈ સ્થિત ઘરમાં 38 અને ઊંટી સ્થિત ઘરમાં 76 કૂતરાઓ પાળ્યાં છે.

એક વેબસાઇટ અનુસાર, મિથુન ચક્રવર્તી પાસે ઊંટી સ્થિ 59 રૂમ, હેલ્થ ફિટનેસ સેન્ટર, સ્વિમિંગ પૂલ, થિયેટર, મિડ નાઈટ કાઉ બોય એન્ડ ડિસ્કોની સાથે કિડ્સ કોર્નર જેવી દરેક પ્રકારની સુવિધા છે. આ સિવાય મનિસાગુડીની વાત કરવામાં આવ તો અહીંયા 16 બંગલા, 14 ટ્વિન્સ કોટેજ, ચાર સ્ટાન્ડર્ડ રૂમ, રેસ્ટોરાં, ચિલ્ડ્રન પ્લે ગ્રાઉન્ડની સાથે હોર્સ રાઈડિંગ, જંગલ સફારી જેવી સુવિધા છે. તો મૈસૂર સ્થિત હોટલમાં 18 એસી કોટેજ, ઓપન એર રેસ્ટોરન્ટ સાથે સ્વિમિંગ પૂલ, પૂલ ટેબલ તથા ટ્રાવેલ રિલેટેડ સર્વિસ છે.

350થી વધારે ફિલ્મોમાં કર્યુ છે કામ:

અત્યાર સુધી મિથુને 350થી વધુ ફિલ્મ્સમાં કામ કર્યું છે. તેમણે 'વારદાત્ત', 'અવિનાશ', 'જાલ', 'ડિસ્કો ડાન્સર', 'ભ્રષ્ટાચાર', 'ઘર એક મંદિર', 'વતન કે રખવાલે', 'હમસે બઢકર કૌન', 'ચરણો કી સૌગંધ', 'હમસે હૈં જમાના', 'બોક્સર', 'બાજી', 'કસમ પૈદા કરને વાલે કી', 'પ્યાર ઝુકતા નહીં', 'કરિશ્મા કુદરત કા', 'સ્વર્ગ સે સુંદર' જેવી ફિલ્મ્સમાં કામ કર્યું છે, જોકે તેમનો સૌથી કપરો સમય 1993-1998 સુધી હતો. જ્યારેત તેમની ફિલ્મો સતત ફ્લોપ થઇ રહી હતી. આ દરમિયાન તેમને એકસાથે 33 ફિલ્મો ફ્લોપ આપી. તેમ છતાં તેમનું સ્ટારડમ એટલી હદ સુધી ડિરેક્ટર્સ પર છવાયેલુ રહ્યુ કે ત્યારે પણ 12 ફિલ્મો સાઇન કરી.