તમારા કામનું / ડેન્ગ્યુના તાવમાં રાહત આપશે આ આયુર્વેદિક ઉપાય, પ્લેટલેટ્સ પણ નહીં ઘટે, જાણો ફાયદા

• ચોમાસામાં વધ્યો ડેન્ગ્યુનો ખતરો 
• ઝડપથી વધી રહ્યા છે ડેન્ગ્યુના કેસ 
• રાહત મેળવવા માટે અપનાવો આ આયુર્વેદિક ટિપ્સ 

બદલાતી સિઝનની સાથે દેશભરમાં ડેન્ગ્યુનો પ્રકોપ પણ ધીમે ધીમે વધી રહ્યો છે. ઘણા રાજ્યોમાં દરરોજ ડેન્ગ્યુના કેસોમાં વધારો થઈ રહ્યો છે. આ કિસ્સામાં તમારે સાવચેત રહેવાની જરૂર છે. વર્લ્ડ હેલ્થ ઓર્ગેનાઈઝેશન અનુસાર ડેન્ગ્યુ તાવનો કોઈ ઈલાજ નથી. પરંતુ જો આ રોગની વહેલી ખબર પડી જાય તો મૃત્યુ દર ઘટાડી શકાય છે. ડેન્ગ્યુ તાવનો સામનો કરવા માટે આયુર્વેદમાં વિવિધ ઉપાયો છે. જો તમે આયુર્વેદના પાંચ હર્બલ ઉપચારો પર એક નજર નાખો તો તમે આ જીવલેણ રોગમાંથી ઝડપથી રાહત મેળવી શકો છો.

કરિયાતું
કરિયાતુંને એન્ડ્રોગ્રાફિસ પેનિક્યુલાટા તરીકે પણ ઓળખવામાં આવે છે. તે એક કડવી સ્વાદવાળી વનસ્પતિ છે. એક અભ્યાસ મુજબ તે વૈજ્ઞાનિક રીતે ડેન્ગ્યુ વાયરસ સામે ખૂબ અસરકારક સાબિત થયું છે.

ગિલોય 
ગિલોય આયુર્વેદ મુજબ જે પણ ઝાડમાં ગિલોયની વેલ ચઢે છે તે તેના ગુણો પણ પોતાની અંદર લઈ જાય છે. એટલા માટે લીમડાના ઝાડ પર ચડતી ગિલોય ઔષધની દ્રષ્ટિએ શ્રેષ્ઠ માનવામાં આવે છે. ડેન્ગ્યુ તાવથી પીડિત દર્દીઓ ગિલોયને એક ગ્લાસ પાણીમાં ઓગાળીને પી શકે છે.

લીમડાનું ઝાડ
લીમડો તેના એન્ટી-બેક્ટેરિયલ અને એન્ટી-ઈન્ફ્લેમેટરી ગુણો માટે જાણીતો છે જે ડેન્ગ્યુ તાવ સામે ખૂબ ઉપયોગી છે. લીમડાના પાન ખાવાથી શરીરમાં રહેલા ડેન્ગ્યુ તાવના વાયરસ ઓછા થાય છે.

પયૈયુ 
પપૈયાના પાનનો પરંપરાગત રીતે મેલેરિયાના નિવારણ માટે ઉપયોગ કરવામાં આવે છે. પરંતુ તે ડેન્ગ્યુની સારવારમાં પણ મદદ કરે છે. એક અભ્યાસમાં જાણવા મળ્યું છે કે પપૈયાના પાનનો રસ પીવાથી પ્લેટલેટ કાઉન્ટ વધે છે.

નારિયેળ પાણી અને બીટ-ગાજરનો રસ
નારિયેળ પાણીમાં મિનરલ્સ અને ઈલેક્ટ્રોલાઈટ્સ જેવા પોષક તત્વો હોય છે. જે શરીરને મજબૂત બનાવે છે. તેથી ડેન્ગ્યુ તાવથી છુટકારો મેળવવા માટે વધુ ને વધુ નારિયેળ પાણી પીવો. આ સિવાય 3-4 ચમચી બીટરૂટનો રસ એક ગ્લાસ ગાજરના રસમાં મિક્સ કરીને પીવો. આ કારણે રક્તકણોની સંખ્યા ઝડપથી વધે છે.