ચેતજો! / ફોનમાં દેખાય છે આ ચાર સાઇન? તો ડિવાઇસ હેક થઈ જ ગયું સમજજો

• તમારો ફોન કોઈએ હેક કર્યો છે કે નહીં આ રીતે જાણો 
• ફોનની બેટરી ફટાફટ ઉતરવી એ હેકિંગનું એક લક્ષણ
• મેસેજમાં કોઈ લિન્ક આવે તો તેને ક્યારેય ક્લિક ન કરવી

શું તમને ક્યારેય એવું લાગ્યું છે કે તમારો સ્માર્ટફોન કોઈએ એ હેક કરી લીધો છે. ઘણી વખત એવા વિચાર આવાત હોય છે પણ સમજાતું નથી હોતું કે એ વાતની ખબર કેવી રીતે પડે કે કોઈએ સ્માર્ટ ફોન હેક કરી લીધો છે કે નહીં. આજે અમે તમને એ વિશે જ જણાવવા જઈ રહ્યા છે. થોડી વાતો પરથી તમે જાણી શકો છો કે તમારો ફોન કોઈએ હેક કર્યો છે કે નહીં. 

જ્યારે કોઈ તમારો ફોન હેક કરવાની કોશિશ કરતું હોય છે ત્યારે થોડા લક્ષણ નજર આવે છે. હા જેમ શરીરમાં બીમારી પ્રવેશી હોય ત્યારે એ બીમારીના લક્ષણોની જેમ જ સ્માર્ટફોનમાં પણ થોડા લક્ષણો નજર આવે છે. એ લક્ષણોને ધ્યાનમાં રાખીને આપણે જાણી શકી છીએ કે સ્માર્ટફોન હેક થયો છે કે નહીં. આજે અમે તમને એવા જ લક્ષણો વિશે જણાવશું અને જો તમારા ફોનમાં પણ એ લક્ષણો દેખાય તો સમજી જવું કે તમારો સ્માર્ટ ફોન હેક થઈ ગયો છે. 

ફોનની બેટરી ફટાફટ ઉતરવી 
ફોનની બેટરી ફટાફટ ઉતરવી એ હેકિંગનું એક લક્ષણ છે. ફ્રોડ એપ ફોનમાં હોવાને કારણે ફોનની બેટરી ફટાફટ ઉતરવા લાગે છે. કારણકે આવી એપ તમારા મોબાઈલ સ્ક્રીન પર કામ કરે છે અને તેના ડેટા ચોરી કરતી હોય છે. 

હેન્ડસેટ સ્લો થવું 
વિચારો કે તમારો ફોન કાલ સુધી સારો ચાલી રહ્યો હતો અને અચાનક જ કેવી રીતે સ્લો થઈ ગયો. આઆવ સ્થિતિમાં આપણે એમ વિચારીએ છીએ કે ફોન હેંગ થાય છે પણ ઘણી વખત આવી સ્થિતિમાં ફોન હેંગ નહીં પણ હેક થતો હોય છે. 

ઓનલાઈન એકાઉન્ટ ચેક કરો 
જો તમને વારંવાર એકાઉન્ટ લૉગઇનનો મેસેજ આવે તો સમજી લો કે તમારો ફોન હેક થઈ ગયો છે. તમારા સોશ્યલ મીડિયા એકાઉન્ટને ચેક કરો અને જો બીજી કોઈ લૉગઇન જાણકારી મળે તો સમજી લો કે તમારો ફોન હેક થઈ ગયો છે. 

અજાણ્યો કોલ અને મેસેજ આવવો 
ઘણા હેકર્સ ફોન કરીને અને મેસેજ કરીને પણ ફોન હેક કરી અને તમારા ફોનના ડેટા ચોરી શકે છે. એટલા માટે જ જો વિચિત્ર નંબર પરથી ફોન આવે તો ન ઉઠાવવો જોઈએ સાથે જ જો મેસેજમાં કોઈ લિન્ક આવે તો તેને ક્યારેય ક્લિક ન કરવી જોઈએ.