છેલ્લો ચાન્સ.! / 1 એપ્રિલ પછી બંધ થઈ શકે છે વેચાણમાં ધૂમ મચાવતી આ કારો, આ કારણે લેવાઈ શકે નિર્ણય

• હોન્ડાની 5, મહિન્દ્રાની 3, હોન્ડાઇ અને સ્કોડાની 2-2 કાર બંધ થઇ શકે છે
• કંપનીઓ પોતાની કારના અમુક મોડલ્સને ડિસ્કન્ટીન્યૂ કરી રહી છે
• સરકાર BS6 ફેઝ-2 ધોરણો હેઠળ રિયલ ડ્રાઇવિંગ એમિશન (RDE) લાગુ કરવા જઈ રહી છે

નવી BS6 ફેઝ-2ના નિયમો હેઠળ RDE Normsના કારણે દેશની ઓટોમોબાઇલ કંપનીઓ પોચાના ઘણા કાર મોડલ્સ બંધ કરવા જઇ રહી છે. જેમાં  Honda, Hyundai, Mahindra, Tata અને Skoda જેવી અનેક કંપનીની કાર સામેલ છે. બની શકે છે કે આ લિસ્ટમાં તે કાર પણ સામેલ હોય જે તમે ખરીદવાનું પ્લાન કરી રહ્યો છો. તો વાંચો કઇ કઇ કાર મોડલ્સ નવા નિયમોના કારણે બંધ થઇ શકે છે. 

હોન્ડાની 5, મહિન્દ્રાની 3, હોન્ડાઇ અને સ્કોડાની 2-2 કાર બંધ થઇ શકે છે
એપ્રિલ મહિનાથી લાગુ થનારા નવા નિયમો અને RDE નિયમોને કારણે Honda, Mahindra, Hyundai, Skoda, Renault, Nishan, Maruti Suzuki, Toyota અને Tata જેવી ભારતીય ઓટોમોબાઈલ કંપનીઓ તેમના કેટલાક મોડલ બંધ કરી શકે છે. આમાં મોટે ભાગે ડીઝલ એન્જિનવાળી કારનો સમાવેશ થાય છે. તમને જણાવી દઇએ કે, બધી કંપનીઓ પોતાની કારના અમુક મોડલ્સને ડિસ્કન્ટીન્યૂ કરી રહી છે. કોઇ પણ કાર પૂરી રીતે આવવાનું બંધ નહીં થાય. 

આ કાર મોડલ્સ થઇ શકે છે બંધ 
એપ્રિલ મહિનાથી નવા વાહન નિયમોએ જાહેર થયા બાદ વિભિન્ન કાર કંપનીઓના લગભગ 16 મોડલ્સ બંધ થઇ શકે છે. તેમાં Honda City 4th gen, Honda City Diesel 5th Gen, Honda Amaze Diesel, Honda Jazz, Honda WR-v, Mahindra Marazzo, Mahindra Alturas G-4, Mahindra KUV100, Hyundai Verna Diesel, Skoda Octavia, Skoda Superb, Tata Altroz Diesel, Renault Kwid 800, Nissan Kicks, Maruti Alto 800, Innov Crysta Petrol જેવી કારના નામ સામેલ છે.

શું છે BS6 ફેઝ 2 RDE Norms
દેશમાં વધી રહેલા પ્રદૂષણને કારણે આ નિયમો એપ્રિલ મહિનાથી લાગુ કરવામાં આવી રહ્યા છે. સરકાર BS6 ફેઝ-2 ધોરણો હેઠળ રિયલ ડ્રાઇવિંગ એમિશન (RDE) લાગુ કરવા જઈ રહી છે. આનો અર્થ છે કે હવે જો કાર વેચવામાં આવશે તો રસ્તા પર  જતા એમિશનના ધોરણોને પૂર્ણ કરવા પડશે. રસ્તાઓ પર વાહનોનું રિયલ ડ્રાઇવિંગ એમિશન (RDE) પરીક્ષણ કરવામાં આવશે. આ ટેસ્ટમાં એ જોવામાં આવશે કે શું વાહનમાંથી નીકળતા ધુમાડામાં પ્રદૂષિત તત્વો નિર્ધારિત મર્યાદા કરતા વધુ બહાર તો નથી આવી રહ્યા. 1 એપ્રિલથી તમામ નવી કારોએ આ ધોરણોને પૂર્ણ કરવા પડશે.

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.