આઈપીએલની 2020ની સિઝનમાં ઘણાં પ્લેયર્સ ફ્લોપ સાબીત થયા પણ અમુક નવા ઇમર્જિંગ પાંચ પ્લેયર્સે લોકોનું ધ્યાન પોતાના તરફ આકર્ષિત કર્યું હતું. જાણીએ ટીમ ફ્રેન્ચાઇઝી કેમ તેમનાં પર મોટો દાવ રમી શકે છે.
આઈપીએલ 2020માં આરસીબીનાં પ્લેયર દેવદત્ત પડિક્કલે સૌનું ધ્યાન પોતાના તરફ ખેંચ્યુ
મિસ્ટ્રી સ્પીનર વરુણ ચક્રવર્તી કેકેઆર માટે રહ્યો બેસ્ટ પર્ફોર્મર
2021નાં ઓક્શનમાં ટીમ ફ્રેન્ચાઇઝીઓ બોલાવી શકે છે ઇમર્જિંગ પ્લેયર્સ પર ઉંચી બોલી
IPLની 13 મી સિઝન પૂરી થઈ ચૂકી છે અને હવે તેની 14 સિઝન માટેની તૈયરીઓ શરૃ થઈ છે. આઈપીએલની 13મી સિઝન કોરોના મહામારીને લીધે યુએઈમાં રમાડવામાં આવી હતી. આઈપીએલની દરેક સિઝનમાં ઘણાં એવા પ્લેયર્સ જોવા મળે છે જેમાં એમુક પ્લેયર્સ ફ્લોપ સાબીત થાય છે જ્યારે ઘણા પ્લેયર્સ પોતાની પર્ફોર્મન્સથી લોકોનું ધ્યાન પોતાના તરફ આકર્ષિત કરે છે. આઈપીએલની 2020ની સિઝનમાં પણ ઘણાં એવા પ્લેયર્સ હતા જેમણે પોતાના પર્ફોર્મન્સનાં દમખમથી ક્રિકેટનાં દિગ્ગજ ખેલાડીઓ સૌરવ ગાંગુલી, મહેન્દ્રસિંહ ધોની અને સચિન તેન્ડુલકરને પણ પ્રભાવિત કર્યાં છે.
આઈપીએલ 2020ની સિઝનમાં રોયલ ચેલેન્જર્સ બેંગ્લોરનાં પ્લેયર દેવદત્ત પડિક્કલે લોકોનું ધ્યાન પોતાના તરફ ખેંચ્યુ હતું. તેવી જ રીતે આઈપીએલની 2020માં એવા પાંચ પ્લેયર્સ છે જેમણે ક્રિકેટનાં લેજન્ડ્સને પણ પોતાના તરફ આકર્ષિત કર્યાં છે. જેથી આ વર્ષના આઈપીએલ ઓક્શનમાં ટીમ ફ્રેન્ચાઇઝીઓ આ પાંચ ખેલાડીઓ પર મોટો દાવ અજમાવી શકે છે, જાણીએ કોણ છે આ પાંચ ખેલાડીઓ.
રાહુલ ત્રિપાઠી માટે કોલકાતા નાઇટ રાઇડર્સમાં સામેલ થવું લાભદાયક રહ્યું
રાહુલ ત્રિપાઠી (કોલકાતા નાઇટ રાઇડર્સ): રાહુલ ત્રિપાઠી ભલે ટોપ પર્ફોર્મર નથી રહ્યો. પણ કોલકાતા નાઇટ રાઇડર્સની ટીમમાં સામેલ થવું તેનાં માટે ખૂબ લાભદાયક રહ્યું હતું. આઈપીએલની લાસ્ટ સિઝનમાં રાહુલ ત્રિપાઠીએ 11 મેચોમાં 23.00ની એવરેજ અને 127.07ની સ્ટ્રાઇક રેટ સાથે 230 રન બનાવ્યા હતા.
વરુણ ચક્રવર્તી કેકેઆર માટે બેસ્ટ પર્ફોર્મર રહ્યો હતો
વરુણ ચક્રવર્તી (કોલકાતા નાઇટ રાઇડર્સ): મિસ્ટ્રી સ્પિનર તરીકે નામના મેળવેલ વરુણ ચક્રવર્તી કોલકાતા નાઇટ રાઇડર્સનો બેસ્ટ પર્ફોર્મર રહ્યો હતો. લાસ્ટ સિઝનમાં તેણે દિલ્હી કેપિટલ્સ વિરુદ્ધ પાંચ વિકેટ ખેરવી હતી. 13 મેચોમાં તેણે 6.84ની ઇકોનોમી સાથે 17 વિકેટ હાંસલ કરી હતી. વરુણ ભારતીય ટી-20 ટીમની સાથે ઓસ્ટ્રેલિયા જવાનો હતો પણ ખભાની ઈજાને લીધે તે ટૂરમાં સામેલ ના થઈ શક્યો. તેની જગ્યાએ ટી નટરાજનનો ટીમમાં સામેલ કરાયો હતો.
દેવદત્ત પડીક્કલ આરસીબી અને બીસીસીઆઈ માટે નવુ ટેલેન્ટ
દેવદત્ત પડીક્કલ (રોયલ ચેલેન્જર્સ બેંગ્લોર): દેવદત્ત પડિક્કલને આઈપીએલની લાસ્ટ સિઝનની શોધ કહી શકાય. તેને આરસીબી અને બીસીસીઆઈ માટે પણ એક નવું ટેલેન્ટ ગણી શકાય. દેવદત્ત પડીક્કલે ઇમર્જિંગ પ્લેયર ઓફ આઈપીએલ 2020નો ખિતાબ પણ મેળવ્યો હતો. તેણે આઈપીએલની લાસ્ટ સિઝનમાં 15 મેચોમાં 31.53ની એવરેજ અને 124.80ની સ્ટ્રાઇક રેટ સાથે 473 રન બનાવ્યા હતા, જેમાં તેણે 5 હાફ સેન્ચ્યુરી પણ બનાવી હતી.
રુતુરાજ ગાયકવાડે સતત 3 હાફ સેન્ચ્યુરી બનાવી હતી
રુતુરાજ ગાયકવાડ (ચેન્નાઈ સુપર કિંગ્સ): મહેન્દ્રસિંહ ધોનીની કેપ્ટન્સી વાળી ટીમ ચેન્નાઈ સુપર કિંગ્સ માટે આઈપીએલની લાસ્ટ સિઝન ખૂબ ખરાબ સાબીત થઈ હતી. પણ તે સિઝનમાં તેમની ટીમમાં રુતુરાજનું પર્ફોર્મન્સ ભવિષ્ય માટેનાં સારા સંકેતો છે. રુતુરાજને શરૃઆતી 3 ઈનિંગ બાદ ટીમમાં જગ્યા નહોતી આપવામાં આવી પણ ત્યારબાદ તેણે ટીમમાં જગ્યા બનાવી અને સતત 3 હાફ સેન્ચ્યુરી બનાવી હતી. ગાયકવાડે આઈપીએલ 2020માં 6 મેચોમાં 51.00ની એવરેજ સાથે 120.71ની સ્ટ્રાઇક રેટ સાથે 204 રન બનાવ્યા હતા.
કાર્તિક ત્યાગી રાજસ્થાન રોયલ્સનું ભવિષ્ય ઉજળુ બનાવી શકે છે
કાર્તિક ત્યાગી (રાજસ્થાન રોયલ્સ): ભારતીય અંડર-19 ક્રિકેટ ટીમનો સ્ટાર કાર્તિક ત્યાગી લાસ્ટ સિઝનમાં બેસ્ટ યંગ ફાસ્ટ બોલર સાબિત થયો હતો. 10 મેચોમાં તેણે 9.61ની ઇકોનોમી સાથે 9 વિકેટ ઝડપી હતી. તે ભારતીય ફાસ્ટ બોલિંગને નવી ધાર આપી શકે છે. તેનાં બાઉન્સર જો વ્યવસ્થિત લાઇન અને લેન્થ પર આવે તો રાજસ્થાન રોયલ્સ ભવિષ્યમાં એક અલગ મુકામ હાંસલ કરી શકે છે.