કોરોના વાયરસ / વિશ્વના મોટા શહેરમાં ન્યૂયરમાં નહીં જોવા મળે પહેલા જેવી રોનક, પહેલીવાર બનશે આ ઘટના

• નવા વર્ષની ઉજવણી પહેલા મોટા શહેરોમાં પ્રતિબંધો 
• સિડનીમાં લોકોને ઘરમાં રહીને જ આતશબાજી જોવા આદેશ 
• સોમવારે શહેરમાં પાંચ નવા કોરોના વાયરસના કેસ સામે આવ્યા

નવા વર્ષની ઉજવણી ફિક્કી પડી 

દુનિયાના સૌથી મોટા શહેરોમાં એક સિડનીમાં નવા વર્ષની ઉજવણી ખૂબ ધામધૂમથી આતશબાજી સાથે કરવામાં આવે છે અને દેશ-દુનિયાથી લોકો નવા વર્ષના આગમન માટે ખાસ અહિયાં આવે છે. ખાસ કરીને ઓપેરા હાઉસમાં ખૂબ સારું આયોજન કરાય છે જોકે આ વર્ષે નવા વર્ષની ઉજવણીમાં આ શહેરમાં પહેલા જેવી રોનક જોવા મળશે નહીં.  સિડનીના નાગરિકોને ઘરમાં રહીને આતશબાજી જોવાના આદેશ આપવામાં આવ્યા છે. નોંધનીય છે કે નવા વર્ષના આગમનમાં દર વર્ષે મોટા શહેરોમાં મોટા પાયે આતશબાજીનું આયોજન થાય છે અને તેની તસવીરો વિશ્વભરમાં વાયરલ થાય છે તથા લાખોની સંખ્યામાં લોકો રસ્તામાં ઉતરી આવે છે પણ સિડનીઆ આ વર્ષે આવું આયોજન  જોવા મળશે નહીં. 

અઢી લાખથી વધારે લોકો લોકડાઉનમાં

કોરોના વાયરસના કારણે આ વર્ષે ઘણા બધા તહેવારો અને આયોજનો થઈ શક્યા નથી. એવામાં વર્ષના અંતે પણ વાયરસનું સંક્રમણ હજુ પણ ચાલુ છે ત્યારે સોમવારે સિડનીમાં કોરોના વાયરસના નવા પાંચ કેસ સામે આવ્યા છે ત્યારે 9મી જાન્યુઆરી સુધી અઢી લાખથી વધારે લોકો લોકડાઉનમાં છે. 

ભીડ ભેગી ન થવા દેવા આદેશ 

સરકારે કહ્યું કે નવા વર્ષના જશ્નમાં કોઈ સુપરસ્પ્રેડીંગ ન થાય તે માટે કોઈ આયોજન ન થાય તેવો આગ્રહ રખાયો છે, જો આયોજનો થશે તો તે દરેક વ્યક્તિ માટે એક તબાહી મચી જશે. પ્રેસ કૉંફરેન્સમાં કહેવામાં આવ્યું કે આતશબાજી ઘરેથી જ જોવામાં આવે તે સૌથી વધારે સુરક્ષિત છે અને સિડનીની આસપાસના વિસ્તારોમાં પણ ભીડ ભેગી થવા દેવામાં આવશે નહીં. નોંધનીય છે કે અમુક લોકોને જ શરતો સાથે મંજૂરી આપવામાં આવશે. 

કુલ 28 હજાર 300 કેસ કેસ 

NSWના સ્વાસ્થ્ય મંત્રીએ કહ્યું કે હું લોકોને કહેવા માંગુ છું કે આવનાર દિવસોમાં કોઈ પણ મૂર્ખતાપૂર્ણ કામ કરશો નહીં. ઑસ્ટ્રેલિયાના સ્વાસ્થ્યમંત્રીએ પણ આ પ્રકારની પાબંધીઑનું સમર્થન કર્યું છે, નોંધનીય છે કે ઑસ્ટ્રેલિયામાં અત્યાર સુધી કોરોના વાયરસના 28 હજાર 300 કેસ સામે આવ્યા છે ત્યારે 908 લોકોએ પોતાના જીવ ગુમાવ્યા છે.