નિવેદન / ગડકરી બોલ્યાં, બધા મુખ્યમંત્રી દુઃખી જ છે, કારણ કે કોણ રહેશે અને કોણ જશે કંઈ ઠેકાણું નથી

• કેન્દ્વીય મંત્રી નીતિન ગડકરી પોતાના સ્પષ્ટ નિવેદનો માટે ચર્ચિત છે 
• રાજકારણનો મુખ્ય ઉદ્દેશ લોકોના જીવનમાં પરિવર્તન લાવવાનો છે 
• ભાજપ સતત મુખ્યમંત્રીઓ બદલી રહી છે

કેન્દ્વીય મંત્રી નીતિન ગડકરી પોતાના સ્પષ્ટ નિવેદનો માટે ચર્ચિત છે 

કેન્દ્રીય મંત્રી નીતિન ગડકરી અવારનવાર પોતાના સ્પષ્ટ નિવેદનો માટે સમાચારોમાં રહે છે. સોમવારે રાજસ્થાનના જયપુરમાં એક કાર્યક્રમ દરમિયાન નીતિન ગડકરીએ ફરી કંઈક એવું કહ્યું જેની ચર્ચા થઈ રહી છે. નીતિન ગડકરીએ કહ્યું કે જેઓ મુખ્યમંત્રી બને છે, તેઓ ચિંતિત છે કારણ કે તેમને ખબર નથી હોતી કે ક્યારે હટાવવામાં આવશે. ખાસ વાત એ છે કે નીતિન ગડકરીનું આ નિવેદન ત્યારે આવ્યું છે જ્યારે ભૂપેન્દ્ર પટેલ ગુજરાતમાં મુખ્યમંત્રી તરીકે શપથ લઈ રહ્યા હતા. ભાજપે વિજય રૂપાણીને મુખ્યમંત્રી પદેથી હટાવી દીધા છે અને તેમના સ્થાને ભૂપેન્દ્ર પટેલને લાવવામાં આવ્યા છે.

રાજકારણનો મુખ્ય ઉદ્દેશ લોકોના જીવનમાં પરિવર્તન લાવવાનો છે 

નીતિન ગડકરીએ રાજસ્થાન વિધાનસભા દ્વારા આયોજિત કાર્યક્રમમાં ભાગ લીધો હતો. તેમણે અહીં કહ્યું કે રાજકારણનો મુખ્ય ઉદ્દેશ સામાન્ય લોકોના જીવનમાં પરિવર્તન લાવવાનો છે, પરંતુ આજકાલ તેને માત્ર સત્તા પડાવી લેવા સાથે જોડીને જોવામાં આવી રહ્યો છે. લોકશાહીનું મુખ્ય લક્ષ્ય સમાજના છેલ્લા વ્યક્તિને લાભ આપવાનું છે.

ભાજપ સતત મુખ્યમંત્રીઓ બદલી રહી છે

નોંધપાત્ર બાબત એ છે કે, તાજેતરના સમયમાં ભારતીય જનતા પાર્ટી દ્વારા ઘણા મુખ્યમંત્રીઓ અચાનક બદલાયા છે. પહેલા તીરથ સિંહ રાવતને ઉત્તરાખંડમાં ત્રિવેન્દ્ર સિંહ રાવતના સ્થાને લાવવામાં આવ્યા હતા, બાદમાં તેમને પણ બદલીને પુષ્કર સિંહ ધામી કરવામાં આવ્યા હતા. પછી કર્ણાટકમાં બી.એસ. યેદિયુરપ્પાની જગ્યાએ બસવરાજ બોમ્માઇને લાવવામાં આવ્યા હતા અને હવે ગુજરાતમાં વિજય રૂપાણીની જગ્યાએ ભૂપેન્દ્ર પટેલને મુખ્યમંત્રી બનાવવામાં આવ્યા હતા. તે જ સમયે, આસામમાં ચૂંટણીઓ બાદ, આ વખતે સર્બાનંદ સોનોવાલને બદલે મુખ્યમંત્રી તરીકે હિમંત બિસ્વા સરમાને મુખ્યમંત્રી બનાવવામાં આવ્યા છે.