વાયરલ / ઊલમાંથી ચૂલમાં ! બિહારમાં રાતોરાત કરોડપતિ બન્યો કઠિયારો, પણ ખુશી ચાર દિવસની ચાંદની નીકળી, જુઓ શું થયું

• બિહારના કિશનગંજમાં ગરીબ કઠિયારો રાતોરાત બન્યો કરોડપતિ
• કઠિયારોને અંડરગ્રાઉન્ડ થવું પડ્યું
• SDM સુધી મામલો પહોંચ્યો, અપાયા તપાસના આદેશ 

બિહારના કિશનગંજમાં સુથારીકામ કરનાર એક ગરીબ માણસ રાતોરાત કરોડપતિ બની ગયો હતો. આ કારણે ગામમાં જાતજાતની અફવાઓનું બજાર ગરમ છે. ગ્રામીણોના કહેવા પ્રમાણે કઠિયારા લતીફ અને તેના દીકરા ઉબેલુદલને 15 દિવસ પહેલા ક્યાંકથી ગુપ્ત ધન મળ્યું હતું જેના કારણે તે અમીર બની ગયો. જ્યારે કેટલાક લોકોના કહેવા પ્રમાણે તેણે લોટરીની ટિકિટ ખરીદી હતી જેમાં તે 1 કરોડ રૂપિયા જીત્યો હતો. આ કેસ જ્યારે એસડીએમ પાસે પહોંચ્યો તો તેમણે તેને ગંભીરતાથી લઈને તપાસના આદેશ આપ્યા. 

એક રાતમાં કરોડપતિ બની ગયો કઠિયારો

આ બનાવ કિશનગંજ ટાઉન થાણા ક્ષેત્રની ટેઉસા પંચાયતનો છે. ત્યાં એક ગરીબ કઠિયારો રાતોરાત કરોડપતિ બની ગયો અને ગામના લોકો તે જોઈને ચોંકી ઉઠ્યા. બાદમાં વિવિધ પ્રકારની અફવાઓ જોર પકડવા લાગી અને ડરના માર્યા બંને ભૂમિગત થઈ ગયા છે. ગામલોકોના કહેવા પ્રમાણે આટલા રૂપિયા આવ્યા બાદ ઉબેદુલે સંબંધીઓને 7 બાઈક પણ ભેટમાં આપ્યા હતા. તે સિવાય નવું ટ્રેક્ટર અને અનેક વીઘા જમીન ખરીદી હતી. તે સિવાય પાકા ઘરનું નિર્માણ પણ કરાવ્યું. 

લોટરી ખરીદીને બન્યો કરોડપતિ

બિહારમાં લોટરી ટિકિટ પર પ્રતિબંધ છે માટે તેણે બંગાળથી લોટરી ટિકિટ ખરીદી હોવાનું કહેવામાં આવી રહ્યું છે. વાત ફેલાઈ જવાના કારણે કાયદાકીય ગૂંચવણમાં ન પડવું પડે એટલે બાપ-દીકરો બંને અંડરગ્રાઉન્ડ થઈ ગયા છે. પોલીસ તે બંનેને શોધવા માટે પ્રયત્નો કરી રહી છે. 

આઈટી અને ઈડીની તપાસ થશે-કિશનગંજ SDM
આ તરફ કિશનગંજના એસડીએમ શાહનવાજ અહમદ નિયાજીએ જણાવ્યું કે, ઈનકમ ટેક્સ વિભાગ અને ઈડી દ્વારા તપાસ કરાવવામાં આવશે. જો મનીલોન્ડ્રિંગની વાત સામે આવશે તો પડદા પાછળ સંતાયેલા લોકોને પણ ઉઘાડા કરવામાં આવશે.