અમદાવાદ / પ્રેમીને મોબાઈલ અપાવવા અમદાવાદની મહિલાએ કર્યુ એવું કે પતિ આઘાતમાં, પછી જે થયું...

• પ્રેમીને મોબાઈલ અપાવા ઘરમાં કર્યું ચોરીનું નાટક 
• ફરિયાદીની પત્નીએજ આપ્યો હતો ચોરીને અંજામ 
• ગણતરીના દિવસોમાં પોલીસે કેસ ઉકેલ્યો 

અમદાવાદના વટવા વિસ્તારમાં આવેલ રાજપથ બંગ્લોઝમાં એક ચોરીનો બનાવ બન્યો હતો. જે બનાવમાં તસ્કરોએ ઘરમાંથી રોકડ રકમ અને દાગીનાની ચોરી કરી હતી. આ મામલે પોલીસે તપાસ કરી તો ચોકવનારો ખુલાસો સામે આવ્યો, જેમા ફરિયાદીની પત્નીએજ ચોરી કરી હોવાનું સામે આવ્યું છે. જેના કારણે આ મુદ્દો ચર્ચાનો વિષય બન્યો છે. 

પૂછપરછમાં પત્ની ભાંગી પડી 

ચોરીની માહિતી ફરિયાદ મળતાજ પોલીસે તપાસ આરંભી હતી. પોલીસને આ મામલે ફરિયાદીની પત્ની પર શંકા ગઈ હતી. જેથી પોલીસે પત્નીનીજ પૂછપરછ કરી જે પૂછપરછમાં પત્ની ભાંગી પડી અને તેણે સમગ્ર મામલે પોતેજ ચોરી કરી હોવાની કબૂલાત આપી છે. 

પ્રેમીને મોબાઈલ અપાવા કરી હતી ચોરી 

સમગ્ર મામલે પત્નીએ એવી કબૂલાત આપી કે તેના અન્ય વ્યક્તિ સાથે પ્રેમ સંબંધો હતા. તેના પ્રેમીને તે મોંઘો મોબાઈલ ગિફ્ટ આપવા માગતી હતી. જેથી તેણે ચોરીને અંજામ આપ્યો હતો. ચોરી મામલે મહિલાના પતિએ ફરિયાદ નોંધાવી કે તેમના ઘરમાં ચોરી થઈ છે.. જેથી પોલીસે તપાસ આરંભી જેમા ફરિયાદીની પત્નીજ આરોપી નીકળી હતી. 

લોકોએ પોલીસની કામગીરીને બિરદાવી 

ઉલ્લેખનીય છે કે ચોરીના બનાવને કારણે આસપાસના વિસ્તારમાં ભયનો માહોલ ફેલાયો હતો. જોકે પોલીસે ગણતરીના દિવસોમાં આ કેસ ઉકેલી કાઢ્યો. પરંતુ પત્નીએજ ચોરીને અંજામ આપ્યો તે મુદ્દો ટોક ઓફ ધી ટાઉન બન્યો છે. સાથેજ ગણતરીના દિવસોમાં પોલીસે કેસ ઉકેલ્યો જેના કારણે લોકોએ પોલીસની કામગીરીને પણ બીરદાવી છે.