બોટાદમાં 16 વર્ષની કિશોરી પર પશુ ડોક્ટરે આચર્યુ દુષ્કર્મ

કળીયુગની પ્રતિતી કરાવતો કિસ્સો આજે બોટાદમાંથી સામે આવ્યો છે. અહીં ભગવાનનું સ્વરૂપ ગણાતા ડોકટરે પોતાની પુત્રી સમાન 16 વર્ષીય કિશોરી સાથે દુષ્કર્મ આચર્યું છે. ઘટનાને પગલે બરવાળા પોલીસે આ નરાધમ ડોકટર સામે ગુનો નોંધી આગળની તપાસ હાથ ધરી છે.

સમગ્ર ઘટના વિશે જણાવીયે તો બરવાળા તાલુકાના રેફડા ગામની ૧૬ વર્ષની સગીરા પર સાસરીયા ગામના ખાનગી પશુ ડોકટરે દુષ્કર્મ કરતા વિસ્તારમાં ચકચાર મચી જવા પામી છે. 

સગીરાને પેટમાં દુખાવો થતા સારવાર માટે હોસ્પિટલ ખસેડેલ જયારે પોલીસ હોસ્પિટલ દોડી આવી હતી અને આરોપીને પકડવા ચક્રો ગતિમાન કર્યા છે.

સગીરા પોતાની વાડીએ ખેતી કામ માટે ગઈ હતી અને કામ પુરુ કરી કાલે સાંજના ૪ કલાકની આસપાસ તે પોતાના ઘરે જઇ રહી હતી તે દરમિયાન સાસરીયા ગામે રહેતો અને ખાનગી પશુ ડોકટર તરીકે કામ કરતો હરેશભાઈ જાદવભાઈ ભરવાડ તૈયાથી પોતાનુ બાઈક લઈને પસાર થયા હતા તે દરમિયાન સગીરા રસ્તા પર એકલી જઈ રહી હતી.

ત્યારે ડોકટરે સગીરાને તેના ગામ ઉતારી દેવાનુ કહી બાઈક પર બેસાડી અવાવરુ જગ્યાએ લઈ ગયો હતો અને સગીરાનો એકલતાનો લાભ લઈ તેની પર દુષ્કર્મ કર્યુ હતું અને જો કોઈને કહીશ તો જાનથી મારી નાખવાની ધમકી આપી હતી.

જ્યારે સગીરા ઘરે પહોંચી હતી અને સગીરાને મોડી રાત્રે પેટમાં દુખાવો ઉપડતા તેણે તેના પરીવારને વિગતવાર વાત કરેલ તૈયાર બાદ તેના પરિવારજનો તેને સારવાર માટે બોટાદ ની સોનાવાલા હોસ્પીટલ ખાતે ખશેડી હતી.

ઘટનાની જાણ થતાં બરવાળા પોલીસ હોસ્પિટલ ખાતે દોડી આવી હતી અને સગીરા પાસે ઘટના અંગેની સંપૂર્ણ માહિતી લઈ પોલીસે સાસરીયા ગામનો પશુ ડોકટર હરેશ ભરવાડ પર દુષ્કર્મ સહિતનો ગુનો નોંધી આરોપીને પકડવાના ચકકો ગતિમાન કર્યા.