વડોદરા / એક્ઝામની આગળની રાતનો ખેલ: 10 થી 12 લાખમાં પેપર વેચવાનો ઘડાયો હતો તખ્તો, પેપરલીક કાંડમાં હોટેલ અપ્સરામાં શું રંધાયું?

• પેપરલીકકાંડનો મુખ્ય સૂત્રધાર વડોદરામાં જ્યાં રોકાયો હતો ત્યાં પહોંચ્યું VTV
• પેપરલીકકાંડના બંને આરોપીઓ ગઈકાલે રાત્રે આવ્યા હતા હોટલ પર 
• હોટલનું DVR,રજીસ્ટર અને આરોપીઓનો સમાન પોલીસે જપ્ત કર્યો

ગુજરાત પંચાયત સેવા પસંદગી મંડળની આજે યોજાનારી જુનિયર ક્લાર્કની પરીક્ષાના પેપરલિંક મામલે મુખ્ય સૂત્રધાર પ્રદીય નાયક અને નરેશ મોહન્તી વડોદરામાં જ્યાં રોકાયો હતો ત્યાં VTV પહોંચ્યું હતું. ત્યારે આ મામલે વડોદરાના સયાજીગંજ વિસ્તારમાં આવેલ અપ્સરા હોટલના મેનેજરે જણાવ્યું હતું કે રાત્રે 9 વાગ્યાના સુમારે બે શખ્શો અમારી હોટલમાં આવ્યા હતા. જ્યાં તેઓએ તેમનુ આઈડીકાર્ડ આપ્યું હતું અને રજીસ્ટરમાં એન્ટ્રી કરી હતી. ત્યાર બાદ પ્રદીય નાયક અને નરેશ મોહન્તી બંને રૂમમાં ચાલ્યા ગયા હતા. જે બાદ બંને રાત્રે 12 વાગ્યાના સુમારે બહાર નીકળ્યા હતા. જે બાદ તેઓ રાત્રીના 12.30 વાગ્યાના સુમારે હોટલ પર પરત આવ્યા બાદ તેમની પાછળ પોલીસના ચારથી પાંચ માણસો આવ્યા હતા.  ત્યારે પોલીસે હોટલ પરથી તેઓને પકડીને લઈ ગઈ હતી અને હોટલનું રજીસ્ટ્રર, તેમજ સીસીટીવી કેમેરાનું ડીવીઆર તેમજ આરોપીઓનો સામાન જપ્ત કર્યો હતો. ત્યારે પેપર ગુજરાત બહાર ફૂટ્યું હોઈ આ આંતરરાજ્ય ગેંગ પણ સંડોવાયેલી હોવાનું માનવામાં આવી રહ્યું છે.
'આગામી 100 દિવસની અંદર ફરીથી જુનિયર ક્લાર્કની પરીક્ષા યોજાશે'
પંચાયત સેવા પસંદગી મંડળના ચેરમેન સંદીપ કુમારે જણાવ્યું કે, પોલીસ તંત્ર દ્વારા વોચ રાખવામાં આવી હતી અને કેટલાક આરોપીઓને ઝડપી પાડવામાં આવ્યા છે, મહેનતું ઉમેદવારોને નુકસાન ન થાય તે માટે પરીક્ષા રદ કરવામાં આવી છે. તેમણે જણાવ્યું કે, આગામી 100 દિવસની અંદર ફરીથી જુનિયર ક્લાર્કની પરીક્ષા યોજાશે. હવે જે પરીક્ષા લેવામાં આવશે તેમાં કૉલલેટરના આધારે ફ્રીમાં બસ સેવા કરી શકશે ઉમેદવારો તેમ પણ જણાવ્યું છે. 

ઉમેદવારો વિનામુલ્યે પરીક્ષા કેન્દ્ર પર જઈ શકશે'
જૂનિયર ક્લાર્ક પરીક્ષા પેપરલીક કાંડ મામલે પંચાયત સેવા પસંદગી મંડળે પેપરલીક અને નવી તારીખ અંગે માહિતી આપતા કહ્યું કે, પેપરલિંક કાંડમાં ગુજરાત બહારની ગેંગ હોવાનું જણાય છે, પોલીસ દ્વારા કાર્યવાહી કરવામાં આવી છે. તેમજ પરિક્ષા પત્રની નકલ એક વ્યક્તિ પાસે મળી આવી હતી અને ગુના પહેલા જ 15 જેટલા લોકોની અટકાયત કરાઈ છે. મહેનતુ અને સાચા ઉમેદવારો ને નુકશાન ન થાય તે માટે પરીક્ષા મોકૂફ રખાઈ છે. ટૂંક સમયમાં પરીક્ષાની નવી તારીખ જાહેર કરાશે અને હવે આગામી 100 દિવસમા ફરી પરીક્ષા લેવાશે. પંચાયત સેવા પસંદગી મંડળના ચેરમેન સંદીપ કુમારે કહ્યું કે, શાળા-કોલેજોની પરીક્ષાને ધ્યાને લઈ નવી પરીક્ષાની તારીખ જાહેર કરાશે અને નવી પરીક્ષામા આવવા-જવા ઉમેદવારો વિનામુલ્યે પરીક્ષા કેન્દ્ર પર જઈ શકશે.

5 આરોપી ગુજરાતના વતની
જૂનિયર ક્લાર્કનું પેપરલીક થવા મામલે ગુજરાત ATSએ ફરિયાદ નોંધી છે. ATSએ અત્યાર સુધી 15 આરોપીની કરી ધરપકડ કરી છે. મુખ્ય 2 આરોપી ATSની પકડથી દૂર છે. 15 આરોપીમાંથી 10 આરોપી પરપ્રાંતીય હોવાનું જાણવા મળ્યું છે. પેપરકાંડના 5 આરોપી ગુજરાતના વતની છે. ઝડપાયેલા તમામ આરોપી એજ્યુકેશનલ કન્સલ્ટન્ટ એકેડેમી સાથે સંકળાયેલા છે.
હૈદરાબાદની પ્રિન્ટીંગ પ્રેસમાંથી પેપર લીક થયુંઃગુજરાત ATS
ગુજરાત ATS જણાવ્યું કે, હૈદરાબાદના પ્રિન્ટીંગ પ્રેસમાંથી પેપરલીક થયું હતું તેમજ મુખ્ય આરોપી પ્રદીપ નાયક પેપર લઈ વડોદરા આવ્યો હતો તેમણે કહ્યું કે, અન્ય એક આરોપી કેતન બારોટ અમદાવાદનો વતની હતો. ગુજરાત ATSને ગઈકાલે પેપરલીક અંગે માહિતી મળી હતી. ATS જણાવ્યું કે, 4 દિવસથી ગુજરાત ATS ઈનપુટ એકત્રિત કરી રહ્યું હતું અને ગુજરાતના વિવિધ શહેરમાં ATSની ટીમો કાર્યરત હતી.  કેતન અને ભાસ્કર નામના 2 આરોપીની 2019માં ધરપકડ કરવામાં આવી હતી. CBIએ 2019માં બન્ને આરોપીની ધરપકડ કરી હતી. પેપરલીક મામલે વડોદરાના સ્ટેકવાઈઝ ટેક્નોલોજી કોચિંગ ક્લાસને સીલ કરાયો છે. સ્ટેકવાઈઝ ટેક્નોલોજી કોચિંગ ક્લાસીસમાંથી આરોપીને ATSએ ઝડપી પાડ્યો છે.