કોવિડ 19 / કોરોના સામેની લડાઈમાં આવ્યા મોટી રાહતના સમાચાર, 94.5 ટકા સફળ થઈ આ રસી 

• અમેરકી કંપની મોડર્નાનો દાવો 
• કોવિડ 19 ને રોકવામાં 94.5 ટકા જેટલી અકસીર છે વેક્સિન
• છેલ્લી ટ્રાયલના વચગાળાના પરિણામના આધારે કર્યો દાવો 

મોડર્ના એ જણાવ્યું હતું કે જાહેર કરેલા પ્રારંભિક ડેટા મુજબ તેમની એન્ટી- કોરોના વાયરસ રસી 94.5 ટકા જેટલી અકસીર પુરવાર થઈ છે. મહત્વનું છે કે આના એક અઠવાડિયા પહેલા, હરીફ કંપની ફાઇઝર ઇન્ક. દ્વારા પણ તેની રસી 90 ટકા જેટલી અસરકારક હોવાનું જાહેર કરાયું હતું.

રસી તેની અસર બતાવવામાં સમય લેશે

એવું માનવામાં આવે છે કે આવતા વર્ષના પ્રારંભમાં, કોરોના ની એક અથવા બીજી રસી બજારમાં ઉપલબ્ધ થશે. પરંતુ, આ દરમિયાન, રસી બનાવતી ફાર્માસ્યુટિકલ કંપની ફાઈઝરના વૈજ્ઞાનિકોએ દાવો કર્યો છે કે જો રસી બનાવવામાં આવે તો પણ તેની અસર માપવામાં સમય લાગશે. સંક્રમણના કેસો તરત જ ઘટશે નહીં.

મોડર્નાના અધ્યક્ષ ડો. સ્ટીફન હોજે તેનું સ્વાગત કર્યું અને કહ્યું કે બે જુદી જુદી કંપનીઓના સમાન પરિણામો એકદમ આશ્વાસન આપે છે. તેમણે કહ્યું કે આપણે બધાએ આશા રાખવી જોઈએ કે આ રોગચાળો રોકવામાં કોઈ રસી ખરેખર સફળ થવાની છે.