હવામાન આગાહી / આકરા તાપમાંથી મળશે રાહત.! સૌરાષ્ટ્ર-કચ્છ સહિતના વિસ્તારોમાં ભારે પવન સાથે પડી શકે વરસાદ, આ બે દિવસ સાચવી લેજો

• હવામાન વિભાગે કરી વરસાદની વધુ એક આગાહી
• આગામી 28 અને 29મી મેના રોજ વરસાદની આગાહી
• સૌરાષ્ટ્ર અને ઉત્તર ગુજરાત તેમજ મધ્ય ગુજરાતમાં વરસાદની સંભાવના

 કમોસમી વરસાદને લઇને વધુએ માઠા સમાચાર સામે આવી રહ્યા છે. જેમાં હવામાન વિભાગ દ્વારા વધુ આગાહી કરાઈ છે. જે મુજબ આગામી 28 અને 29મીએ વરસાદ પડી શકે છે. હવામાન વિભાગની આગાહી પ્રમાણે સૌરાષ્ટ્ર અને ઉત્તર ગુજરાત તેમજ મધ્ય ગુજરાતમાં વરસાદ મોકાણ સર્જી શકે છે. સાથે જ સૌરાષ્ટ્ર-કચ્છ સહિતના વિસ્તારોમાં ભારે પવન ફૂંકાઇ તેવી પણ શકયતા સેવવામાં આવી રહી છે. વરસાદને લઈને આકરા તાપમાંથી રાહત મળી શકે તેમ છે. પરંતુ નવી ઉપાડી જન્મે તેવા એંધાણ વર્તાઈ રહ્યા છે.

દરિયાકાંઠાના વિસ્તારોમાં ભારે પવન ફૂંકાવવાની શકયતા
 
વરસાદ મામલે હવામાન વિભાગ દ્વારા રાજકોટ, અમરેલી અને ભાવનગર તેમજ પોરબંદર પાટણ, મહેસાણા,બનાસકાંઠા,સાબરકાંઠા અને વડોદરા,આણંદ સહિતના જિલ્લામાં વરસાદ વરસે તેવી શકયતા જોવા મળી રહી છે. આ ઉપરાંત દરિયાકાંઠાના વિસ્તારોમાં ભારે પવન ફૂંકાવવાની પણ હવામાન ખાતાએ શકયતા બતાવી છે. બીજી બાજુ સાવચેતીના ભગરૂપે આગામી 3 દિવસ માછીમારોને દરિયો ન ખેડવાની સૂચના પણ આપી દેવામાં આવી છે.

બનાસકાંઠામાં વરસાદની આગાહીને પગલે માર્કેટ યાર્ડમાં સાવચેતી રાખવાની અપીલ

બીજી બાજુ બનાસકાંઠામાં 28થી 30 મે સુધી કમોસમી વરસાદની આગાહી હોવાથી આગમચેતીને લઈને બનાસકાંઠા માર્કેટ યાર્ડમાં સાવચેતી રાખવા આપીલ કરાઈ છે. સબંધિત તંત્ર દ્વારા ખેતર અને યાર્ડમાં અનાજને સુરક્ષિત સ્થળે રાખવાની અપીલ કરવામાં આવી છે. ડિઝાસ્ટ વિભાગ દ્વારા ખેડૂતોને અનાજ સુરક્ષિત સ્થળે રાખવા ઉપરાંત ખેતરમાં પણ આગાહીને લઇને લણની કરવા સહિતની માહિતી આપવામાં આવી હતી.