ગુજરાત / 'The kashmir files' ફિલ્મ ટેક્સ ફ્રીને લઇ સૌથી મોટા સમાચાર, આ લોકોને નહીં મળે લાભ

• 'The kashmir files' ટેક્સ ફ્રીને લઈ મહત્વના સમાચાર
• દર્શકોએ ટેક્સ ફ્રી માટે હજુ એક બે દિવસની જોવી પડશે રાહ
• જે લોકોએ એડવાન્સ બુકિંગ કર્યું છે તેમને નહીં મળે રાહત

મહત્વનું છે કે, સરકારે ટેક્સ ફ્રીને લઇને ગઈ કાલે મહત્વની જાહેરાત કરી હતી. પરંતુ કોમ્પ્યુટર સોફ્ટવેર ચેન્જ કરવામાં મલ્ટીપ્લેક્ષને સમય લાગી રહ્યો છે. આથી, જે લોકોએ એડવાન્સ બુકિંગ કર્યું છે તેમને રાહત નહીં મળે. ટેક્સ ફ્રીને લઈને રાકેશ પટેલે સરકારનો આભાર માન્યો છે. રાકેશ પટેલે જણાવ્યું કે, 'લોકોએ આ ફિલ્મ અચૂક જોવી જોઈએ. કોરોના બાદ ગઈ કાલે હાઉસફુલના બોર્ડ મારવા પડ્યા હતાં.'

ઉલ્લેખનીય છે કે, હરિયાણા, મધ્યપ્રદેશ, ગુજરાત અને કર્ણાટક રાજ્યમાં ફિલ્મ ધ કશ્મીર ફાઈલ્સને ટેક્સ ફ્રી કરાઈ છે. ફિલ્મ પ્રોડયૂસર અને ડાયરેક્ટર વિવેક અગ્નિહોત્રી આજકાલ પોતાની નવી ફિલ્મને લઈને ચર્ચામાં છે. કશ્મીરી પંડિતોની વેદના દર્શાવતી આ ફિલ્મ લોકોના દિલ જીતી રહી છે. લોકોની ભાવનાઓ આ ફિલ્મ સાથે જોડાયેલ છે. આ મુદ્દા પર પહેલા પણ ફિલ્મો બની હતી પરંતુ ક્યારેય આટલી ડેપ્થમાં આ મુદ્દા પર વાત કરવામાં આવી નથી. પરંતુ હવે વિવેક અગ્નિહોત્રીએ આ કરી બતાવ્યું છે. ફિલ્મને દેશભરની જનતાનો સપોર્ટ મળી રહ્યો છે અને સાથે જ સરકાર તરફથી પણ સમર્થન મળ્યું છે.

ગુજરાતમાં કરાઇ છે ટેક્સ ફ્રી

1990માં થયેલ કશ્મીરી પંડિતોનાં નરસંહારની ઘટનાને પડદા પર ફરી તાજી કરતી ધ કશ્મીર ફાઈલ્સ ફિલ્મને ગુજરાતમાં પણ કરમુક્ત કરવાનો નિર્ણય કરવામાં આવ્યો છે. રાજ્યના મુખ્યમંત્રી ભૂપેન્દ્ર પટેલના કાર્યાલય દ્વારા ટ્વિટ કરીને આ અંગે જાણકારી આપી હતી. 

ફિલ્મ જોઈ લોકો લગાવી રહ્યા છે 'જય શ્રી રામ' નાં નારા

હાલમાં સોશિયલ મીડિયા પર એક વીડિયો વાયરલ થઇ રહ્યો છે, જેમાં ધ કશ્મીર ફાઈલ્સ જોઇને આવેલા લોકો 'જય શ્રી રામ' નાં નારા લગાવી રહ્યા છે. આ ઘટના આ ઘટના નોયડા સેક્ટર 18નાં વેબ મોલની છે. જુઓ આ વીડિયો.

કપિલ શર્મા શોમાં ન હતું થયું પ્રમોશન

વિવેકે કપિલ પર સીધો નિશાનો સાધ્યો. તેમણે ખુલીને આ વિષે વાત કરી કે હું ખુદ કપિલ શર્મા શોનો મોટો ફેન છું. પરંતુ તેમણે અમને પોતાના શોમાં બોલાવવાની ના પાડી છે. કેમકે અમારી ફિલ્મમાં વધારે કમર્શિયલ એક્ટર્સ નથી કે કોઈ મોટું સ્ટાર નથી. બોલિવુડમાં નોન સ્ટાર્ટર્સ ડાયરેક્ટર્સ, રાઈટર્સ તથા સારા એક્ટર્સને કઈ સમજવામાં આવતા નથી.