સરકારે એમેઝોનને એક આદેશ આપ્યો છે જેમાં 'ગાડીમાં સીટ બેલ્ટ ન પહેરવા પર એલાર્મ વાગે તેને બંધ કરી દે,' એવા ઉપકરણોના વેચાણ પર પ્રતિબંધ લગાવવા કહ્યું છે
ગાડી ચલાવતા સમયે ફરજિયાતપણે સીટ બેલ્ટ જરૂરી
સરકારે એમેઝોનને નોટિસ મોકલી
સીટ બેલ્ટ એલાર્મને બંધ કરવા માટે ડિઝાઈન કરાયેલા તમામ ઉપકરણોનું વેચાણ બંધ
સાયરસ મિસ્ત્રીના રોડ એક્સિડન્ટમાં થયેલ મોત પછી સરકાર રસ્તા મુસાફરી કરતાં લોકોની સુરક્ષાને લઈને વધુ કડક વલણ અપનાવી રહી છે. સરકાર હવે એવા તમામ કારણોનો અંત લાવવાની તૈયારી કરી રહી છે જેના કારણે અજાણી રીતે લોકો સલામતીનાં ઉપાયોને ટાળે છે અને અજાણતાં જ પોતાનો જીવ જોખમમાં મૂકે છે. હાલ સરકારે એક એવો જ નિર્ણય લીધો છે જેને કારણે લોકો હવે ફરજિયાત પણે ગાડી ચલાવતા સમયે સીટ બેલ્ટ પહેરશે.
સરકારે એમેઝોનને એક આદેશ આપ્યો છે જેમાં એવા ઉપકરણોનું વેચાણ બંધ કરવા માટે કહ્યું છે જે ગાડીમાં સીટ બેલ્ટ ન પહેરવા પર એલાર્મ વાગે છે તેને બંધ કરી દે છે. કેન્દ્રીય મંત્રીએ આ માહિતી આપી હતી. કેન્દ્રીય મંત્રીના જણાવ્યા અનુસાર, આવા ઉપકરણો લોકોના જીવનને જોખમમાં મૂકી શકે છે અને તેના કારણે જ આ મોટું પગલું લેવામાં આવ્યું છે.
સરકારનું નવું પગલું
નીતિન ગડકરીએ કહ્યું હતું કે 'એમેઝોન પર મળતી મેટલ ક્લિપ કારના સીટ બેલ્ટની સર્કિટને પૂરી કરે છે અને તેને કારણે એલાર્મ બંધ થઈ જાય છે.'તેમને એમ પણ કહ્યું હતું કે 'સરકારે એમેઝોનને નોટિસ મોકલીને આ ઉપકરણનું વેચાણ રોકવા માટે કહ્યું છે.' આ ઉપરાંત રોડ ટ્રાન્સપોર્ટ મિનિસ્ટ્રીએ ઈ-કોમર્સ કંપનીઓને પત્ર લખીને સીટ બેલ્ટ એલાર્મને બંધ કરવા માટે ડિઝાઈન કરાયેલા તમામ ઉપકરણોનું વેચાણ બંધ કરવા જણાવ્યું હતું. તમને જણાવી દઈએ કે આવા ઉપકરણનું વેચાણ ગેરકાયદેસર નથી. જો કે, સાયરસ મિસ્ત્રીના એક્સિડન્ટની તપાસમાં જાણવા મળ્યું છે કે અકસ્માત જીવલેણ હતો કારણ કે એમનેસીટ બેલ્ટ પહેર્યો નહતો અને તેને કારણે જ એર બેગ એ પણ કામ નહતું કર્યું.
કેમ લીધો સરકારે આવો નિર્ણય
કાર કંપનીઓએ આ એલાર્મ એટલા માટે રાખ્યો છે કે જો સીટ બેલ્ટ પહેરલ ન હોય તો કારની અંદરનું એલાર્મ વાગે અને મુસાફર અને ડ્રાઈવર તેનાથી સતર્ક રહે. ઘણી વખત લોકો નજીકમાં જ મુસાફરી કરે છે અને એ સમયે સીટ બેલ્ટ પહેરવાની ઝઝંટથી બચવા માટે અને એલાર્મ બંધ રાખવા માટે આવી મેટલ ક્લિપનો ઉપયોગ કરે છે. જો કેઆવા જુગાડને કારણે મુસાફરોના જીવ જોખમમાં મુકાય છે. કારણ કે ઘણી વખત હાઈવે પર પણ મુસાફરી કરતી વખતે લોકો સીટ બેલ્ટ બાંધવાનું ભૂલી જાય છે અને આ ક્લિપને કારણે એલાર્મ પણ નથી વાગતો. સીટ બેલ્ટ બાંધ્યા વિનાના લોકો માટે આવા અકસ્માત જીવલેણ બની જાય છે.