કુદરતોનો ખેલ / 'મમ્મીના મૃતદેહમાંથી બદબૂ આવે છે, શ્વાસ નથી લેવાતો...' કાટમાળમાં ફસાયેલી બે બહેનોએ રડતી આંખે કહ્યું, કિસ્સો જાણી રડી પડશો

• તુર્કીયેમાં ભૂંકપ બાદ રેસ્કયુની એક દીલધડક કહાની સામે આવી
• બંને બહેનો પાંચ માળની ઇમારતના કાટમાળ હેઠળ દટાઈ હતી
• અમારી માતા મૃતદેહમાંથી દુર્ગંધ આવવા લાગી છે.. 

તુર્કીયે અને સીરિયામાં ભૂકંપના કારણે વિકટ સ્થિતિનું નિર્માણ થયું છે. તૂર્કી અને સીરિયામાં વિનાશકારી ભૂકંપ બાદ જમીન પર રેસ્ક્યૂ ઓપરેશન પૂરજોશમાં ચાલી રહ્યું છે. ભૂકંપને પગલે જીવ ગુમાવનારા લોકોની સંખ્યા પણ સતત વધી રહી છે. તેવામાં નવા આંકડા સામે આવ્યાક છે જેમાં જણાવ્યા અનુસાર અત્યાર સુધીમાં 29,896 લોકોના મૃત્યુ નિપજ્યા હોવાનું બહાર આવ્યું છે. તો આ દુર્ઘટનામાં 85 હજારથી વધુ લોકો ઘાયલ થયા હોવાનું પણ જાણવા મળી રહ્યું છે. સાથે જ રેસ્ક્યૂ ટીમ હજુ પ ઘણા લોકોને કાટમાળમાંથી રેસ્ક્યૂ કરીને જીવતા બહાર કાઢી રહ્યા છે.  

આ બધા વચ્ચે ફરી રેસ્કયુની એક દીલધડક કહાની સામે આવી છે. તુર્કીયેમાં મર્વ અને ઈરેમ નામની બે બહેનો પાંચ માળની ઈમારતના કાટમાળ નીચે દટાઈ ગઈ હતી અને એ બંનેને બચવાની તમામ આશાઓ જ્યારે પૂરી થઈ ગઈ હતી એ જ સમયે બચાવકર્મીઓ ભગવાન બનીને આવ્યા હતા અને ભારે જહેમત બાદ બંને બહેનોને કાટમાળમાંથી બહાર કાઢ્યા હતા. 

When people in Adana Turkey 🇹🇷 stayed silent so rescue workers could hear people trapped in the rubble.❤️ pic.twitter.com/rHC376kRvo

— Pault (@paultegu) February 10, 2023

કેવી રીતે કર્યું આ દિલધડક રેસ્કયુ, જાણો 
'મર્વ-ઇરેમ, તમે અમને સાંભળી શકો છો... અમે તમારી ખૂબ નજીક છીએ.' કાટમાળના ઢગલામાંથી અવાજ આવે છે કે- 'હા' . આ સાથે જ બચાવકર્મી મુસ્તફા ઓઝતુર્ક એક પણ ક્ષણનો સમય લડીહા વિના બોલે છે કે ' હવે તમે શાંત રહો અને મારા પ્રશ્નોના જવાબ આપતા રહેજો કારણ કે આવનાર પાંચ મિનિટમાં બહાર આવી જશો.' જો કે પરિસ્થિતિ જોતાં બધાને ખબર છે કે બંને બહેનોને બહાર કાઢવી એટલી સહેલી નથી પણ એમનો જુસ્સો જાળવી રાખવો પડશે નહીં તો એ બંને બહેનો નહીં બચી શકે. મળતી જાણકારી અનુસાર મર્વ 24ની છે અને તેની બહેન ઇરેમ 19ની છે. ભૂકંપ પછી એ બંને પાંચ માળની ઇમારતના કાટમાળ હેઠળ દટાઈ હતી. સાથે જ એ સમયે એમની સાથે તેમની માતા પણ હતી જેમની મૃત્યુ થઈ ગઈ છે. 

બંનેને જીવતા બચાવવામાં કલાકો લાગવાના હતા 
કાટમાળની અંદર બે જીવને બહાર લાવવા માટે બચાવ કાર્યકરે કામ શરૂ કરી દીધું હતું. બચાવ કાર્યકરને કાટમાળની અંદરથી અવાજ સંભળાય છે, પણ તે કંઈ જોઈ શકતો નથી. બંનેને જીવતા બચાવવામાં કલાકો લાગવાના હતા અને એ જ સમયે બંનેને બચાવમાં રોકાયેલ મુસ્તફા મર્વ અને ઇરેમ સાથે વાતો કરે છે અને મજાક કરતાં વાતાવરણ રમુજી બનાવે છે. રેસ્ક્યૂ ટીમ અને અને બે બહેનો વચ્ચેનું અંતર ઘણું હતું એ માટે રેસ્ક્યુ ટીમે કોંક્રીટમાં ટનલ ખોદવી પડી હતી.  રાતના સાડા આઠ થઈ ગયા હતા અને રેસ્ક્યૂ ઓપરેશન ચાલુ હતું. બુલડોઝર નાના પત્થરોને ઉપાડીને ફેંકતું હતું પણ ઓપરેશનના થોડા કલાકો પછી બચાવ કામગીરી અટકી જાય છે. 

હું તમને બહાર લાવીશ અને પછી આપણે લંચ પર જઈશું
અચાનક કામ અટકી જવા પર બંને બહેનો ગભરાઈ જાય છે. મર્વ-એરેમ વિચારે છે કે હવે આપણે બચીશું નહીં, રેસ્ક્યૂ ટીમ છોડીને ચાલી ગઈ પણ મુસ્તફા સાથે અન્ય ત્રણ બચાવકર્તા ફરી આવે છે અને કામ શરૂ કરે છે સાથે જ મુસ્તફાએ કહ્યું કે "ગભરાશો નહીં. મારો વિશ્વાસ કરો, અમે તમને અહીં મરવા માટે નહીં છોડીએ. હું તમને બહાર લાવીશ અને પછી આપણે લંચ પર જઈશું." જો કે આ સાથે જ મુસ્તફા કાટમાળના એક ખૂબ જ નાના છિદ્રમાં એક નાનો કેમેરો દાખલ કરે છે. જ્યારે મુસ્તફા છોકરીઓના ચહેરા જુએ છે ત્યારે રેસ્ક્યૂ ટીમે થોડો રાહતનો શ્વાસ લીધો હતો સાથે જ કહ્યું કે "વધુ હલનચલન કરશો નહીં." ત્યારે મર્વ કહે છે, "અમને ખૂબ ઠંડી લાગે છે."

સવારે 7 વાગ્યા સુધી ચાલ્યું રેસ્ક્યૂ ઓપરેશન 
આખી રાત રેસ્ક્યૂ ઓપરેશન ચાલી રહ્યું હતું એ સમયે  ઇરેમ બચાવકર્તાઓને કહ્યું હતું કે "અમારી માતાના મૃતદેહમાંથી દુર્ગંધ આવવા લાગી છે અને અમે યોગ્ય રીતે શ્વાસ લઈ શકતા નથી,". બધા જઅને છે કે બંને છોકરીઓ કેટલાય દિવસોથી તેમની માતાના મૃતદેહ પાસે પડી હતી. જો કે રેસ્ક્યૂ કરાતા સમયે તબીબી ટીમ કાટમાળની ટોચ પર થર્મલ ધાબળા અને સ્ટ્રેચર સાથે તૈયાર ઊભી હતી સવારે 6:30 વાગ્યે ઇરેમ કાટમાળમાંથી બહાર કાઢવામાં આવી આ સમયે ઇરેમ હસી રહી હતી અને રડી પણ રહી હતી. એ સાથે જ ઇરેમની બહેન મર્વ પણ ત્રીસ મિનિટ પછી કાટમાળમાંથી બહાર આવી હતી. તેના પગ કોંક્રીટ નીચે દટાયેલા હતા. મર્વ બહાર આવતાની સાથે જ લોકો વચ્ચે તાળીઓના ગડગડાટ શરૂ થઈ જાય છે. ઇરેમ અને મર્વબંને બહેનોને એમ્બ્યુલન્સ દ્વારા હોસ્પિટલ લઈ જવામાં આવી હતી.