સુરત / પાંડેસરા દુષ્કર્મ કેસનો આરોપીને 16મીએ સજાનું એલાન, સરકારી વકિલે કહ્યું ફાંસી આપો, બચાવ પક્ષના વકીલે કરી આ દલીલ

• પાંડેસરા કેસમાં આરોપી દોષિત
• સરકારી વકીલે કરી ફાંસીની માંગ
• 16 ડિસેમ્બરે કોર્ટ સંભળાવશે સજા

સુરત પાંડેસરા કેસમાં બાળકી સાથે દુષકર્મ બાદ હત્યા કેસ મામલે કોર્ટે આરોપીને દોષિત જાહેર કર્યો છે. જેને લઈને આરોપીને પોક્સો સ્પેશિયલ કોર્ટ 16 ડિસેમ્બરે સજા સંભળાવશે, મહત્વનું છે કે પોલીસ તપાસમાં બાળકીના શરીર પર 49 જેટલા ઇજાના નિશાન મળી આવ્યા હતા. આજે કોર્ટમાં કેસ ચાલી રહ્યો હતો તે દરમિયાન બચાવ પક્ષના વકીલે આરોપીની તરફેણમાં કરી દલીલો કે આરોપીની ઉંમર ફક્ત 23 વર્ષની છે.આરોપી પરિવારનો મુખ્ય આધાર છે તો બીજી તરફ આરોપીને ફાંસીની સજા આપવા સરકારી વકીલે માંગ કરી છે. આ તરફ ભોગ બનનારના પરિવાને યોગ્ય વળતરની પણ સરકારી વકીલની માંગ છે. 

પાંડેસરા કેસમાં આરોપીને કોર્ટે દોષિત જાહેર કર્યો 

મહત્વનું છે કે થોડા દિવસ પહેલા જ સુરતમાં અઢી વર્ષની બાળકી પર દુષ્કર્મ બાદ હત્યાના કેસમાં સુરતની સેશન્સ કોર્ટનો ઐતિહાસિક ચૂકાદો આપતા આરોપીને ફાંસીની સજા સંભળાવી છે આરોપીએ બાળકીનું ઘરમાંથી અપહરણ કરી દુષ્કર્મ આચર્યું હતું. ઘરથી થોડા અંતરે બાળકીનો મૃતદેહ મળી આવ્યો હતો બાળકી સાથે દુષ્કર્મ બાદ ગળું દબાવી હત્યા કરી હતી જેમાં પોલીસે 7 દિવસમાં ચાર્જશીટ દાખલ કરી હતી. અઢી વર્ષની બાળકી સાથે દુષ્કર્મ બાદ હત્યા કેસમાં આરોપીને ફાંસીની સજા સંભળાવી છે ત્યારે સુરતમાં જ 10 વર્ષની બાળકી સાથે દુષ્કર્મ બાદ હત્યા કેસમાં કોર્ટ આરોપીને દોષિત જાહેર કર્યો છે જેની 16 ડિસેમ્બરે કોર્ટ સજા સંભળાવશે. 

પોક્સો સ્પેશિયલ કોર્ટ 16 ડિસેમ્બરે સંભળાવશે સજા

સુરતમાં પાંડેસરામાં 10 વર્ષની બાળકી સાથે દુષ્કર્મ બાદ હત્યા કેસમાં 16 ડિસેમ્બરે સજા સંભળાવવાશે. મહત્વનું છે કે સુરત પાંડેસરામાં પાડોશમાં રહેતો દશરથ બૈસાણે બાળકીને વડાપાઉં ખવડાવવાની લાલચ આપીને લઈ ગયો હતો અને તેની સાથે દુષ્કર્મ બાદ બાળકીના માથામાં ઈંટના ઘા મારીને તેની હત્યા નિપજાવી દેવામાં આવી હતી. આ ઘટના 7 ડિસેમ્બરે 2020ના રોજ બનેલી ઘટનામાં 15 જ દિવસમાં જ પોલીસે પુરાવાઓ એકત્રિત કરી કોર્ટમાં 232 પાનાની ચાર્જશીટ રજૂ કરી હતી.  

બાળકીના શરીર પર 49 જેટલા ઇજાના નિશાન હતા

સુરતમાં પાંડેસરાના બાળકી સાથે દુષ્કર્મનો મામલે પોલીસને મોટી સફળતા હાથ લાગી છે, સુરત પાંડેસરામાં વડોદમાં બનેલી દુષ્કર્મની ઘટનાની ગંભીરતાને લઇ પોલીસે તપાસ અભિયાન શરૂ કર્યું છે જેમાં કોસાડ અને વડોદ ગામની બે દુકાનોમાંથી પોર્ન ફિલ્મ ડાઉનલોડ કરેલી હાર્ડ ડિસ્ક મળી આવી છે. પોર્ન ફિલ્મો વાળી હાર્ડ ડિસ્ક મળી આવતા પોલીસ પણ દંગ રહી ગઈ હતી જે મામલે પોલીસે કાર્યવાહી કરતા દુકાનમાલિક સહિત 3 લોકોની કરી ધરપકડ મહત્વનું છે કે પાંડેસરાના વડોદમાં દુષ્કર્મ કેસમાં આરોપીએ પોર્ન ફિલ્મ જોયા બાદ દુષ્કર્મ આચર્યું હતું 
બાળકીના માથામાં ઈંટના ઘા મારી હત્યા કરાઈ હતી.