5 હજારની લાંચ માગનારા પોલીસ કર્મચારીની ધરપકડ. ડાંગ અને વલસાડ ACBએ સંયુક્ત રીતે છટકું ગોઠવીને ASI ને ઝડપી લીધા હતા.
લાંચ લેનારા ACBની ટ્રેપથી નહીં બચો
લાંચિયા ASI સકંજામાં
ગોળ વેચવા 5 હજારના હપ્તાની માગ
નવસારીના ખેરગામના ASI રંગે હાથ લાંચ લેતા ઝડપાયા છે. ASI દિલિપભાઈએ દેશી દારૂ માટેના ગોળના વેપાર માટે 5 હજારના હપ્તાની માગણી કરી હતી. ડાંગ અને વલસાડ ACBએ સંયુક્ત રીતે છટકું ગોઠવીને ASI ને ઝડપી લીધા હતા. હાલ ASIની ધરપકડ કરીને કાયદેસરની કાર્યવાહી હાથ ધરી છે.
ખોટા કેસમાં ફસાવવાની આપી હતી ધમકી
સમગ્ર ઘટના ગોળના વેપારીને ફસાવી દેવાના મામલાથી શરૂ થઈ હતી. દારૂ બનાવનારાઓ વેપારી પાસેથી ગોળ લઈ જાય છે. તેવા ખોટા કેસમાં ન ફસાવવાની વાત સાથે 5 હજારની લાંચ માગી હતી. વેપારીએ ASI વિરુદ્ધ કાર્યવાહી કરવા માટે ACBનો સહારો લીધો હતો. જે બાદ લાંચ લેવા આવનારા ASIને રંગે હાથે ઝડપી પાડ્યો હતો. જે બાદ ACB આગળની કાર્યવાહી કરી રહી છે.