વિરોધ / રાજકોટમાં બેંક યુનિયન સરકારનાં આ નિર્ણયને લીધે કરશે હડતાલ, દિવાળીમાં ગ્રાહકો થઈ શકે છે પરેશાન

• સરકારના બેંક મર્જર નિર્ણય સામે વિરોધ
• મંગળવારે બેંક કર્મીઓ કરશે હડતાલ
• દિવાળીના સમયમાં થઈ રહેલી હડતાલથી ગ્રાહકોની પરેશાની વધશે

મંગળવારે બેંક કર્મીઓ કરશે હડતાલ

કેન્દ્રની મોદી સરકારે બેન્કિંગ ક્ષેત્રે મોટો નિર્ણય લીધો છે. સરકારે પબ્લિક સેક્ટરની ત્રણ બેન્કો - બેન્ક ઓફ બરોડા, વિજયા બેન્ક અને દેના બેન્કના મર્જરને મંજૂરી આપી દીધી છે. આ મર્જર 1 એપ્રિલ, 2019થી લાગૂ થશે. આ મર્જરની સાથે દેના બેન્ક અને વિજયાં બેન્કનાં કરોડો એકાઉન્ટ હોલ્ડરની પાસબુક અને ચેકબુક રાતોરાત બદલાઇ શકે છે.  રાજકોટમાં સરકારનાં આ નિર્ણયનો વિરોધ કરવામાં આવી રહ્યો છે. 

હડતાલથી ગ્રાહકોની પરેશાની વધશે

એક તરફ દિવાળી હોઈ વેપારી અને દેશવાસીઓને પૈસાની જરુરીયાત સૌથી વધારે છે. પૈસાનું ટ્રાન્જેક્શન થવાની શક્યાતાં સૌથી વધારે છે. આ દરમિયાન સરકારનાં બેંક મર્જરનાં નિર્ણયનો વિરોધ કરતાં રાજકોટમાં યુનિયન દ્વારા સોમવારે વિરોધ કરવામાં આવશે. એ બાદ તેઓએ 22 ઓક્ટૉબરનાં રોજ હડતાલનું એલાન કર્યું છે. જેથી હડતાળને લઈને તહેવારમાં ગ્રાહકોને પરેશાની થઈ શકે છે.  ઉલ્લેખનીય છે કે આરબીઆઈનાં પૂર્વ ગવર્નર રધુરામ રાજને સરકારનાં આ નિર્ણય પર સવાલો ઉઠાવતાં કહ્યું હતું કે બેંકોનો વિલય ત્યારે થવો જોઈએ જ્યારે તેનું સ્વાસ્થ્ય સારું હોય ત્યારે નહીં જ્યારે તેમનું સ્વાસ્થ્ય ખરાબ હોય.