મોરબીની સિરામિક ફેક્ટરીમાંથી 7 વર્ષની બાળકીના મૃતદેહના કિસ્સામાં પોલીસને મોટી સફળતા હાથ લાગી છે. પ્લાસ્ટિકની બેગમાં દોરીથી બાંધેલી હાલતમાં 7 વર્ષની બાળકીનો મૃતદેહ મળી આવ્યો હતો. બાળકીના મૃતદેહની હાલત જોયા બાદ પોલીસે FSLની મદદ લીધી હતી. અને રિપોર્ટમાં ચોંકાવનારો ખુલાસો થયો હતો. માતા-પિતાની ફરિયાદ આધારિત પોલીસે તપાસના ઘોડા દોડાવવાની શરૂઆત કરી દીધી હતી. પોલીસે બાળકીની હત્યા અને દુષ્કર્મના આરોપમાં ઝારખંડથી એક વ્યક્તિની ધરપકડ કરી છે.
ઝારખંડ સુધી પોલીસે પોતાની પહોંચ લગાવી આરોપીની ધરપકડ કરી લીધી છે. દુર્ગા ચરણ નામના શખ્સની ધરપકડ બાદ પોલીસ કાર્યવાહી હાથ ધરી છે. આરોપીની ધરપકડ બાદ કેટલીક બાબતનો ખુલાસો પણ થયો છે. આરોપીએ બાળકીને ચોકલેટ આપવાની લાલચ આપી હતી. જે બાદ દુષ્કર્મ આચર્યું હતું.
સમગ્ર તપાસમાં CCTV આધારે પોલીસને મળી સફળતા
ગણતરીના દિવસોમાં આરોપીને ઝડપી પાડવા માટે પોલીસ સક્રિય બની ગઈ હતી. અને તમામ પ્રકારની ટેક્નિકનો ઉપયોગ કરી રહી હતી. જેમાં CCTVના આધારે પણ પોલીસને આરોપી સુધી પહોંચવામાં મહત્વની મદદ મળી છે. બાળકીના માતા-પિતા પણ ફેક્ટરીમાં શ્રમિક હતા. તો બાળકીનું અપહરણ કરનાર આરોપી પણ ફેક્ટરીમાં જ કામ કરતો હતો.