- 77 વર્ષીય દાદાનો જુસ્સો અડીખમ
- 55 વખત ધોરણ 10ની પરીક્ષામાં નાપાસ થયા
- 56મી વખત પાસ થયા અને હવે ધો.12ની તૈયારી શરુ કરી
ઉંમર 77 પણ જુસ્સો તો 22 વર્ષ જેવો. માથે ભલે ધોળા આવી ગયા પણ નાસીપાસ થવાનુ તો તેમની ડિક્શનરીમાં નથી. આંખે ભલે ઝાંખુ દેખાતુ પણ મનોબળ મક્કમ. ટીનએજમાં જ લોકો નાની નાની વાતોમાં મોતને વ્હાલુ કરી લે છે. જીવનમાં આશા છોડી દે છે. પરંતુ 77 વર્ષીય દાદાનુ મનોબળ અને જુસ્સો જોઇને ખરેખર સલામી આપવાનું મન થાય. તેમણે 10માં ધોરણની પરીક્ષા 55વખત આપી અને 56મી વખત પાસ થયા. અને અત્યારે હાલ ધોરણ 12 પાસ કરવાની
તૈયારી કરી રહ્યા છે. તો જાણીએ કોણ છે વ્યક્તિ.
1962માં પ્રથમ વખત પરીક્ષા આપી હતી
આ વાત છે રાજસ્થાનના જાલોરના સરદારગઢમાં રહેતા હુકુમદાસની. જેમનો જન્મ 1945માં થયો છે. તેઓએ તીખી ગામમાંથી ધોરણ 8 સુધીનો અભ્યાસ પુરો કર્યો. 1962માં તેમણે ધોરણ 10ની પહેલીવાર પરીક્ષા આપી હતી. મોકલસર ગામથી તેમણે પહેલીવાર પરીક્ષા આપી હતી તે વખતે પરીક્ષા કેન્દ્ર તેમનુ બાડમેર આવ્યુ હતું. આ પરીક્ષામાં તેઓ નાપાસ થયા. બીજી વખત પરીક્ષા આપી તેમાં પણ તેઓ નાપાસ થયા. તેઓ નાપાસ થતા મિત્રો તેમને ખીજવવા લાગ્યા હતા કે તારાથી કદી ધોરણ 10 પાસ નહી થાય. બસ ત્યારથી જ હુકુમદાસે સ્વીકારી લીધુ તે ધોરણ 10 તો હું પાસ કરીને જ બતાવીશ.
અભ્યાસમાં ઘણી જ મુશ્કેલીઓ આવી
હુકુમદાસે મિત્રોનો પડકાર તો સ્વીકારી લીધો પરંતુ ઘરની જવાબદારીને કારણે તેમણે ભણવામાં મુશ્કેલી પડતી હતી. જો કે તેમને બે ત્રણ વર્ષ પછી
ભૂગર્ભજળ વિભાગમાં ચોથા વર્ગના કર્મચારી તરીકે જોડાયા હતા. આ બાદ તેમણે નિયમિત રીતે અભ્યાસ છોડી દીધો.
2010 સુધી 48 વખત પ્રયાસ કર્યો
2010 સુધી, તે માધ્યમિક શિક્ષણ બોર્ડ દ્વારા લેવામાં આવેલી 10માંની પરીક્ષામાં 48 વખત હાજર રહ્યો હતો અને દરેક વખતે તે નાપાસ થયો હતો. હવે તેણે સ્ટેટ ઓપન બોર્ડમાંથી પરીક્ષા આપવાનું નક્કી કર્યું. 2019 માં, તેણે બીજા વિભાગ સાથે 10મી પરીક્ષા પાસ કરી. આ પછી તેણે 2021-22ના સત્રમાં 12મા ધોરણમાં એડમિશન લીધું અને હવે તે 12માની પરીક્ષા આપશે. તાજેતરમાં જ હુકુમદાસે ધોરણ 12માં કલાની બાજુથી પરીક્ષા માટે પરીક્ષા ફોર્મ સબમિટ કર્યું હતું. રસપ્રદ વાત એ છે કે આ સમય દરમિયાન તેમના પૌત્રે શાળાકીય અભ્યાસ પૂર્ણ કર્યો છે.
ધોરણ 12 આર્ટસની પરીક્ષાની તૈયારી શરુ
હુકુમદાસ 2005માં નોકરીમાંથી નિવૃત્ત થયા. 2010 સુધી માધ્યમિક શિક્ષણ બોર્ડ દ્વારા આયોજિત 10મા ધોરણમાં 48 વખત પરીક્ષા આપવા બેઠા હતા. તેમણે સ્ટેટ ઓપન બોર્ડથી પરીક્ષા આપવાનુ નક્કી કર્યુ હતુ. 2019માં તેમણે ધોરણ 10ની પરીક્ષા સેકન્ડ ડિવીઝન સાથે પાસ કરી લીધી. જે બાદ2021-22માં ધોરણ 12માં એડમિશન લીધુ અને હવે ધોરણ 12ની પરીક્ષા આપશે. જો કે અહીં નવાઇની વાત તો એ છે તેમના પૌત્રએ આ સમયગાળામાં સ્કૂલ શિક્ષણ પુરુ કરી લીધુ છે. જ્યારે તેના દાદા ધોરણ 12ની તૈયારીઓ કરી રહ્યા છે.
