તપાસ / સુરતમાં થાઈલેન્ડની યુવતીની હત્યા કે અકસ્માતે મોત? પોસ્ટમોર્ટમ રિપોર્ટ આવ્યો સામે

• સુરતમાંથી થાઇલેન્ડની યુવતીનો મૃતદેહ મળવાનો મામલો
• મગદલ્લા વિસ્તારમાંથી સળગેલી હાલતમાં મળ્યો હતો મૃતદેહ
• પીએમ રિપોર્ટમાં અકસ્માતથી મોત થયાનું સામે આવ્યું

સુરતમાં થાઇલેન્ડની યુવતીનું રહસ્યમય મૃત્યુને લઇ ખુલાસો થયો છે. યુવતીના પોસ્ટમોર્ટમ રિપોર્ટમાં અકસ્માતે મૃત્યુ થયાનું સામે આવ્યું છે. સુરતમાં એક સ્પા સેન્ટરમાં કામ કરતી થાઇલેન્ડની યુવતીનો સળગી ગયેલી હાલતમાં મૃતદેહ મળ્યો હતો. અને મૃતદેહ એટલો સળગી ગયો હતો કે તેને ઊંચકી શકાય તેવી હાલતમાં પણ ન હતો. ત્યારે હવે યુવતીના પોસ્ટમોર્ટમમાં અકસ્માતે મૃત્યુ થયાનું સામે આવ્યું છે. 

જો કે આ અંગે પણ અનેક સવાલો ઉઠી રહ્યા છે કે જો યુવતીનું અકસ્માત મૃત્યુ થયું તો ઘરનો દરવાજો બહારથી કેમ બંધ હતો? રૂમમાં એક જ ગાદલુ કેમ સળગેલું છે? મૃતદેહનું બાજુની ગાદલું કેમ જેમનું તેમ છે? યુવતીને મળવા આવેલા ત્રણ લોકો કોણ છે? 

ત્રણેય લોકો એક કારમાં આવ્યા હતા

મળતી માહિતી મુજબ મૃતક યુવતીએ તેની બહેનપણીને જમવા માટે બોલાવી હતી. જે બાદમાં તેની બહેનપણી રાત્રે નીકળી ગઈ હતી. જે બાદમાં વનિતાના ઘરે તેના ત્રણ મિત્રો આવ્યા હોવાની વાત સામે આવી છે. સ્થાનિક લોકો એવું પણ કહે છે કે રાત્રે રૂમમાં ઝઘડો થતો હોય તેવો અવાજ આવી રહ્યો હતો. આ ત્રણેય લોકો એક કારમાં આવ્યા હતા. યુવતી પોતાની પાસે ત્રણ મોબાઇલ ફોન રાખતી હોવાનું પણ સામે આવ્યું છે. જેમાં બે મોબાઇલ આગમાં તેની સાથે જ બળી ગયા છે. યુવતીનો એક મોબાઇલ ફોન નથી મળ્યો.

સળગતા સવાલ  

• યુવતીનું અકસ્માતે મૃત્યુ થયું તો ઘરનો દરવાજો બહારથી કેમ બંધ હતો?
• રૂમમાં એક જ ગાદલુ કેમ સળગેલું છે?
• મૃતદેહનું બાજુની ગાદલું કેમ જેમનું તેમ છે?
• યુવતીને મળવા આવેલા ત્રણ લોકો કોણ છે?
• શું કેસને અકસ્માતમાં ખપાવાનો પ્રયાસ છે?
• યુવતીની હત્યા થઈ છે?
• વિદેશી યુવતીની હત્યામાં ઢાંકપીછોડો થઈ રહ્યો છે?
• જો ઢાંકપીછોડો છે તો કોને બચાવવા આવા પ્રયાસ થઈ રહ્યા છે?