વિશ્વના સૌથી ધનાઢ્ય વ્યક્તિ હવે ભારતમાં પોતાની કંપનીનું યુનિટ ખોલવા જઈ રહ્યા છે. ગઇકાલે કર્ણાટકના CMએ આ વાતની પુષ્ટિ કરી છે.
કર્ણાટકમાં યુનિટ સ્થાપશે ટેસ્લા
કર્ણાટકના મુખ્યમંત્રીએ મારી મહોર
આશરે 2.8 લાખ લોકોને મળશે રોજગાર : કર્ણાટક સીએમ
ટેસ્લાની ભારતમાં એન્ટ્રી
છેલ્લા ઘણા દિવસોથી ટેસ્લા કંપની ભારતમાં પોતાનો પ્લાન્ટ નાંખશે તેની ચર્ચા ચાલી રહી હતી ત્યારે આ કંપનીની ભારતમાં એન્ટ્રીને લઈને મોટા સમાચાર આવી રહ્યા છે. અમેરિકાની આ કંપની બેંગલુરુમાં પોતાનો યુનિટ સ્થાપશે અને તે માટે શનિવારે કર્ણાટકના મુખ્યમંત્રીએ મહોર મારી દીધી છે.
બેંગલુરુમાં શરૂ થશે યુનિટ
કર્ણાટકના CMએ કહ્યું કે અમેરિકાની ટેસ્લા કંપની બેંગલુરુમાં મેન્યુફેક્ચરિંગ યુનિટ ખોલશે. તેમણે કહ્યું કે તેના માટે તુમકુર જિલ્લામાં એક ઇન્ડસ્ટ્રિયલ કોરિડોર પણ બનાવવામાં આવશે.
યુવાનોને મળશે રોજગાર
નોંધનીય છે કે આ કંપની ભારતમાં આવતા ઘણો ફાયદો થવા જઈ રહ્યો છે. ભારતમાં યુવાનોને યોજગાર મળશે. કર્ણાટકના મુખ્યમંત્રીના દાવા અનુસાર આ કંપની ભારતમાં આવતા 2.8 લાખ લોકોને રોજગાર મળશે.
નોંધનીય છે કે આ પહેલા કંપનીના માલિક એલન મસ્કે પણ સોશ્યલ મીડિયા પર એ વાતની પુષ્ટિ કરી હતી કે તેમની કંપની ભારતમાં પ્રવેશ કરશે.
ઘણા દિવસોથી થઈ રહી છે ટેસ્લાની ચર્ચા
નોંધનીય છે કે ગયા મહિને જ અમેરિકાની આ કંપનીએ ભારતમાં રજીસ્ટ્રેશન કરાવ્યું હોવાના સમાચાર સામે આવ્યા હતા. ગયા મહિને કેન્દ્રીય મંત્રી નીતિન ગડકરીએ કહ્યું હતું કે ટેસ્લા કંપની વર્ષ 2021માં જ દેશમાં પરિચાલન શરૂ કરી દે તેવી સંભાવના છે અને માંગના આધારે નિર્માણ યુનિટ પણ સ્થાપવામાં આવશે.