ધનિક / એલન મસ્ક બન્યા દુનિયાના સૌથી અમીર, ઇતિહાસમાં સૌથી વધુ ઝડપથી સંપત્તિમાં થયો વધારો

• બેજોસના ડિવોર્સ ન થયા હોત તો તે અત્યારે પણ દુનિયાના સૌથી અમીર વ્યક્તિ હોત
• આ યાદીમાં 500 અરબપતિનો સમાવેશ થયો છે
• મસ્ક પોતાની સંપત્તિમાં 150 બિલિયન ડૉલરનો વધારો જોવા મળ્યો 

આ યાદીમાં 500 અરબપતિનો સમાવેશ થયો છે

ઈલેક્ટ્રિક કાર બનાવનારી કંપની ટેસ્લા માલિક એલન મસ્ક હવે દુનિયાના સૌથી અમિર વ્યક્તિ બની ગયા છે. તેમણે બ્લૂમબર્ગ તરફથી જારી થનારી અરબપતિઓની યાદીમાં એમેઝોનના માલિક જેક બેજોસને પાછળ છોડી દીધા છે. આ યાદીમાં 500 અરબપતિનો સમાવેશ થયો છે. ઉલ્લેખનીય છે કે બેજોસ 2017માં દુનિયાના સૌથી અમિર વ્યક્તિ હતા.

મસ્ક પોતાની સંપત્તિમાં 150 બિલિયન ડૉલરનો વધારો જોવા મળ્યો 

આ ઉપલબ્ધિ મેળવવા  પર મસ્કે પોતાની સ્ટાઈલમાં પ્રતિક્રિયા વ્યક્ત કરી હતી. એક ટ્વિટર યુઝર્સને જવાબ આપતા તેમણે કહ્યું કે ‘કેટલી નવાઈની વાત છે.’ દુનિયા માટે 2020 ભલે ગમે તેવું રહ્યું હોય પરંતુ એલન મસ્ક માટે ગત 12 મહિના ઘણા શાનદાર રહ્યા છે. લગભગ 27 બિલિયન યુએસ ડોલર મૂલ્યની સાથે 2020ની શરુઆત કરનારા મસ્ક પોતાની સંપત્તિમાં 150 બિલિયન ડૉલરનો વધારો જોવા મળ્યો છે. જે તેમના માટે ઝડપી નાણાકીય ફેરફારના સંકેત છે. આ શક્ય રીતે ઈતિહાસમાં ધન સૃજનની સૌથી તેજ ગતિ છે. જેમાં ટેસ્લાનું મોટું યોગદાન છે.

બેજોસના ડિવોર્સ ન થયા હોત તો તે અત્યારે પણ દુનિયાના સૌથી અમીર વ્યક્તિ હોત

દક્ષિણ આફ્રીકામાં જન્મેલા એન્જિનિયર ટેસ્લાના શેરમાં મજબૂત ભરોસાથી ફાયદો થયો છે. આ ઉપરાંત મસ્કની પાસે સ્પેસ એક્સની મોટી ભાગીદારી છે. જે લગભગ 15 બિલિયન યૂએસ ડોલરની છે. આ ફેરફારની પાછળ જેસ બેજોસના ડિવોર્સ પણ એક કારણ છે.  જો બેજોસના ડિવોર્સ ન થયા હોત તો તે અત્યારે પણ દુનિયાના સૌથી અમીર વ્યક્તિ હોત. ઉલ્લેખનીય છે કે ડિવોર્સ બાદ બેજોસે પોતાની પૂર્વ પત્નીને સંપત્તિનો મોટો ભાગ આપ્યો હતો. આ ઉપરાંત તેમણે ઘણું દાન પણ કર્યુ છે. તેમણે ગત વર્ષ નવેમ્બરમાં 68 કરોડ ડોલરના શેર દાન કર્યા હતા.