અહેવાલ / કાશ્મીરના આતંકીઓ પાકિસ્તાન સાથે સંપર્ક કરવા આ ટેકનોલોજી વાપરી રહ્યા છે, સેનાનું સર્ચ ઓપરેશન જારી

• સેટેલાઈટ ફોનનો ઉપયોગ કરી રહ્યા છે આતંકવાદીઓ
• સરહદ પાર બેઠેલા આકાઓ સાથે ચાર સેટેલાઈટ ફોન અને રેડિયો સેટથી સંપર્ક કરી રહ્યા છે

આ વર્ષે કાશ્મીરમાં સુરક્ષાદળ બે સેટેલાઇટ ફોન કબજે કરી ચૂક્યું છે. પહેલો સેટેલાઇટ ફોન ૧૩ જાન્યુઆરીએ બાન્ડીપોરમાં હિઝબુલ મુજાહિદ્દીનના આતંકી સરફરાઝ પાસેથી પકડાયો હતો. બીજો લગભગ એક અઠવાડિય પહેલા શોપોરમાં માર્યા ગયેલા આતંકીઓ પાસેથી મળ્યો હતો. બીજો સેટેલાઇટ ફોન થુરૈયા કંપનીનો છે. સરફરાઝ પાસેથી મળેલ સેટેલાઇટ ફોન આ મહિને પકડાયો હતો અને તે અત્યાધુનિક હતો. તેમાં સ્માર્ટફોન જેવી સુવિધાઓ હતી.
શ્રીનગરના ઉત્તર ઝોનના એસપી સજ્જાદ શાહે કહ્યું કે આંચર સૌરા વિસ્તારમાં કેટલાક દિવસો દરમિયાન એક બે વખત સેટેલાઇટ ફોન હોવાની જાણ થઇ હતી, પરંતુ તેના યોગ્ય લોકેશન મેળવી શકાયા નહોતા. અમે એક વિસ્તારને ચિહ્નિત કરીને નાકાબંધી કરી. ઘરે ઘરે તલાશી લીધી, પરંતુ કંઇ ન મળ્યું. એક શંકાસ્પદ યુવકને જરૂરી પૂછપરછ માટે પકડી લેવાયો હતો.

૧૯૯૮થી શરૂ થયો હતો ઉપયોગ

કાશ્મીરમાં આતંકીઓ અને તેમના ઓવરગ્રાઉન્ડ નેટવર્ક દ્વારા સેટેલાઇટ ફોનનો ઉપયોગ નવી વાત નથી. એસએસપી સિક્યોરિટી ઈમ્તિયાઝહુસેન મીરે જણાવ્યું કે કાશ્મીરમાં આતંકીઓએ સેટેલાઇટ ફોનનો ઉપયોગ ૧૯૯૮માં શરૂ કર્યો હતો. વર્ષ ૨૦૦૩ સુધી તેનો ખૂબ જ ઉપયોગ થતો હતો. મોબાઇલ ફોન સેવા શરૂ થયા બાદ આતંકીઓની તેની પર નિર્ભરતા ઘટી હતી. 

સેટેલાઈટ ફોન અને રેડિયો સેટ સંપર્કનો ઉત્તમ વિકલ્પ

ઇન્ટરનેટ એક સસ્તો અને સુરક્ષિત વિકલ્પ છે. ઇન્ટરનેટ પર વોઇસ ઓન ઇન્ટરનેટ પ્રોટોકલ પર વાતચીત કરીને તેઓ કોઇની પકડમાં આવતા નથી અને ન તો તેમની વાતચીતને સરળતાથી સાંભળી શકાય છે. કાશ્મીરમાં ૫ ઓગસ્ટથી ઇન્ટરનેટ અને પ્રી પેઇડ મોબાઇલ ફોન બંધ છે. આ સંજોગોમાં સેટેલાઇટ ફોન અને રેડિયોસેટ પરપસ્પર સંપર્ક જાળવી રાખવાનો વિકલ્પ છે. તેઓ હાલમાં હ્યુમન ઇન્ટેલિજન્સ નેટવર્ક પણ મજબૂત કરવા પ્રયાસ કરે છે, પરંતુ સફળ થઇ શકતા નથી.