સેના અલર્ટ / ગુજરાત અને દ.ભારતમાં આતંકવાદી હુમલાની આશંકા, CM રૂપાણીએ કહ્યું- રાજ્યમાં હાઇ અલર્ટ જાહેર

સેનાની દક્ષિણની કમાન સંભાળતા જીઓસી લેફ્ટિનેન્ટ જનરલ એસ.કે. સૈનીએ પૂણેમાં મીડિયા સાથે વાતચીતમાં આ માહિતી આપી હતી. સેના તરફથી દક્ષિણ ભારતમાં તમામ રાજ્યોને અલર્ટ મોકલ્યા બાદ જીઓસી એસ.કે સૈનીએ જણાવ્યું કે ગુજરાતથી જોડાયેલ સર ક્રિક લાઇન પાસે સેનાના કેટલીક બિનવારસી બોટને જપ્ત કરી છે. સેના કોઇ નાપાક ષડયંત્રની આશંકામાં સમગ્ર રીતે સતર્ક છે.

જીઓસી સૈનીએ મીડિયાને જણાવ્યું હતું કે, સર ક્રિક વિસ્તારની પાસે ભારતીય એજન્સીઓને કેટલીક બિનવારસી બોટને જપ્ત કરી છે. અમારી પાસે આ પ્રકારના ઇનપુટ્સ પહોંચ્યા છે જેમાં આ કહેવામાં આવ્યું છે કે આતંકવાદી દક્ષિણ ભારતના કેટલાક ભાગોમાં હુમલા કરી શકે છે. તેવામાં આતંકવાદીઓના કોઇપણ નાપાક ષડયંત્રને પહોંચી વળવા માટે સેના તમામ રીતે સતર્ક બની છે. સેનાએ એ પણ આશંકા વ્યક્ત કરી છે કે સર ક્રિક વિસ્તારમાં મળેલી બોટથી આતંકવાદીઓ ભારતમાં ઘૂસણખોરી કરી શકે છે, તેવામાં તમામ સંબંધિત રાજ્યોને પણ આ સંબંધમાં અલર્ટ જાહેર કરવામાં આવ્યું છે.

Lt Gen S K Saini, GOC-in-C, Army Southern Command: We've inputs that there may be a terrorist attack in southern part of India. Some abandoned boats have been recovered from Sir Creek. We're taking precautions to ensure that designs of inimical elements & terrorists are stalled. pic.twitter.com/p2gs24pAN8

— ANI (@ANI) September 9, 2019

કેટલાક રાજ્યોમાં કડક બંદોબસ્ત

સેના તરફથી અલર્ટ જાહેર થયા બાદ ગુજરાત, મહારાષ્ટ્ર અને કેરળમાં રાજ્ય સરકારોએ પોલીસ અને અન્ય એજન્સીઓ સમગ્ર સતર્કતા દાખવવાના આદેશ આપ્યા છે. સર ક્રિક વિસ્તાર સાથે જોડાયેલ ગુજરાતના તમામ ભાગોમાં આતંકવાદી હુમલાની આશંકા ગણાવતા સમગ્ર રીતે સતર્કતા દાખવવામાં આવી રહી છે.

Loknath Behera, Kerala Director General of Police (DGP): An alert has been issued to all districts of the state, following Army's warning of a terror attack. Police across the state have been directed to maintain vigil at public places. pic.twitter.com/3zmu6CCIaa

— ANI (@ANI) September 9, 2019

ગુજરાત સરકારે અલર્ટ જાહેર કર્યું

આતંકવાદી ષડયંત્રનું અલર્ટ જાહેર થયા બાદ ગુજરાતના મુખ્યમંત્રી વિજય રૂપાણીએ કહ્યું, કચ્છ અમારો એક સરહદી જિલ્લો છે અને એજન્સીઓના ઇનપુટ મળ્યા બાદ રાજ્ય સરકારે આને ગંભીર મામલો ગણાવતા રાજ્યમાં હાઇ અલર્ટ જાહેર કર્યું છે. અમે આ દિશામાં સુરક્ષાત્મક રીતે મહત્વપૂર્ણ નિર્ણયો લીધા છે અને તમામને સતર્ક રહેવા માટે કહેવામાં આવ્યું છે.

કેરળના તમામ જિલ્લાઓમાં હાઇ અલર્ટ

ગુજરાત સિવાય કેરળના પોલીસ અધિકારી લોકનાથ બેહડાએ રાજ્યના તમામ જિલ્લાના પોલીસ પ્રમુખોને અલર્ટ જાહેર કર્યું છે. આતંકવાદી હુમલાના ઇનપુટ મોકલ્યા છે. આ સિવાય તમામ સાર્વજનિક સ્થલો પર જરૂરી બંદોબસ્ત ગોઠવી દેવામાં આવ્યો છે.