ભારે વરસાદની આગાહી વચ્ચે મેઘરાજા સમગ્ર રાજ્યને ઘમરોળી રહ્યું છે. ત્યારે કચ્છના નખત્રાણા, અબડાસા, લખપત તાલુકામાં ભારે વરસાદ થતાં સામાન્ય જનજીવન અસ્તવ્યસ્ત થઈ જવા પામ્યું છે.
કચ્છ જિલ્લામાં ભારે વરસાદના પગલે ગામડાઓમાં પાણી ઘુસ્યા
રાજકોટના ડેમમાં આવ્યા નવા નીર
નવસારીમાં પૂર્ણા નદીના જળસ્તરમાં થયો વધારો
કચ્છ જિલ્લામાં ભારે વરસાદના પગલે ગામડાઓમાં પાણી ઘુસ્યા
નૈઋત્યનું ચોમાસું આખા ગુજરાતને ઘમરોળી રહ્યું છે. હવામાન વિભાગની ભારે વરસાદની આગાહી વચ્ચે રાજ્યભરમાં મેઘરાજા મન મૂકીને વરસી રહ્યાં છે. જેને લઈને સમગ્ર રાજ્યના 228 તાલુકાઓમાં મેઘમહેર થઈ છે. ત્યારે કચ્છ જિલ્લાના નખત્રાણા, અબડાસા, લખપત તાલુકામાં ભારે વરસાદ થતાં સામાન્ય જનજીવન અસ્તવ્યસ્ત થઈ જવા પામ્યું છે. ભારે વરસાદના પગલે ગામડાઓમાં વરસાદી પાણી ઘુસ્યા છે. બીજી તરફ માતાનો મઢ,ધારેશી આસપાસના વિસ્તારમાં ધોધમાર વરસાદ વરસતા ગામના તળાવો છલકાયા હતાં. વાત કરીએ કચ્છના નખત્રાણા તો ધોધમાર વરસાદથી જળબંબાકાર થઈ જવા પામ્યો હતો.ભારે વરસાદના કારણે રસ્તાઓ નદીમાં ફેરવાયા, હોટલનો સામાન પાણીમાં તણાયો હતો.આમ નખત્રાણામાં છેલ્લા 24 કલાકમાં 9 ઇંચ વરસાદ ખાબક્યો.
રાજકોટના ડેમમાં આવ્યા નવા નીર
રાજકોટમાં છેલ્લા ત્રણ દિવસથી વરસી રહેલા ભારે વરસાદના કારણે આજી, ન્યારી અને ભાદરમાં નવ નીરની આવક થઈ છે. આ સાથે રાજકોટ શહેર અને ગ્રામ્યમાં સારા વરસાદથી પાણીના જળ સ્તરો ઉંચા આવ્યા છે. ઉલ્લેખનીય છે કે, રાજકોટ શહેર સહિત જિલ્લામાં સિઝનનો 10 ઈંચ જેટલો વરસાદ વરસ્યો છે.
રાજકોટની વાસાવડી નદી બે કાંઠે
રાજકોટમાં છેલ્લા 2-3 દિવસથી ભારે વરસાદ વરસી રહ્યો છે. જેને કારણે જિલ્લાના અનેક ગામમાં પૂરની સ્થિતિ સર્જાઈ છે, ત્યારે રાજકોટના વાસાવડ ગામે આવેલી વાસાવડી નદી બે કાંઠે થઇ છે. ઉપરવાસમાં પડેલા ભારે વરસાદને કારણે વાસાવડી નદી બે કાંઠે થઇ છે. જેને લઇ ગ્રામલોકોમાં ખુશીનો માહોલ જોવા મળી રહ્યો છે
નવસારીમાં પૂર્ણા નદીના જળસ્તરમાં થયો વધારો
બજી તરફ દક્ષિણ ગુજરાતમાં પણ મેઘરાજાએ મન મુકીને મેઘ મહેર વરસાવતાં પૂર્ણા નદીના જળસ્તરમાં વધારો થયો છે. જેને લઈને વહીવટી તંત્ર પણ સાબદુ થયું છે. ભારે વરસાદના કારણે નવસારીના સુપા ગુરૂકૂળ પાસે આવેલા લો લાઈન બ્રીજ પાણીમાં ગરકાવ થઈ જવા પામ્યો છે. આ સાથે કુરેલ અને સુપા ગામનો સંપર્ક તૂટ્યો છે.
તિથલનો દરિયો બન્યો તોફાની
રાજ્યમાં આગામી 3 દિવસો સુધી ભારે વરસાદની આગાહી હવામાન વિભાગ દ્વારા કરવામાં આવી છે.ત્યારે આજે સવારે વલસાડ જિલ્લાના તિથલના દરિયામાં ભારે જોવા કરંટ મળ્યો છે. દરિયામાં કરંટને લઇ ઊંચા મોજા ઉછળ્યા છે. ઉલ્લેખનીય છે કે, છેલ્લા 24 વલસાડમાં 1.36 ઇંચ વરસાદ , પારડીમાં 3.12 ઇંચ,વાપીમાં 3.6 ઇંચ વરસાદ, ધરમપુરમાં 7.72 ઇંચ અને કપરાડામાં 8.72 ઇંચ વરસાદ પડયો છે