નૌસેના એવિએશન માટે શુક્રવારે 13 સપ્ટેમ્બરની તારીખ ખુબજ ખાસ રહી. ગોવામાં સમુદ્ર કિનારે સ્થિત આઇએનએસ હંસા (INS Hansa) પર સૌથી પહેલા તેજસ (Tejas) એલસીએ (નેવી)નું નિયંત્રિત લેન્ડિંગ કરવામાં આવ્યું. આ રીતે લેન્ડિંગ કરનાર ભારત દુનિયાનો છઠ્ઠો દેશ બની ગયો છે.
INS હંસા પર તેજસનું નિયંત્રિત લેન્ડિંગ
આવી લેન્ડિંગ કરનાર ભારત બન્યો દુનિયાનો છઠ્ઠો દેશ
રક્ષામંત્રી રાજનાથ સિંહે અભિનંદન આપ્યા
આ પહેલા આવું લેન્ડિંગ માત્ર અમેરિકા, ફ્રાન્સ, રશિયા, બ્રિટેન અને ચીનની નેવી જ કરી શકી છે. હવે તેમા ભારતનું નામ પણ સામેલ થઇ ગયું છે. આ લેન્ડિંગ બાદ તેજસ હવે ભારતીય નૌસેના વિમાનવાહક, વિક્રમાદિત્ય પર ઉડાન દરમિયાન લેન્ડ કરાવી શકશે.
રક્ષામંત્રીએ અભિનંદન આપ્યા
તેજસે જે સિદ્ધિ પ્રાપ્ત કરી છે તેનું મહત્વ જ એના આધારે લગાવી શકાય છે કે એક હલકા લડાકૂ વિમાનને એક કિલોમીટરના અંતર વાળા રનવે પર લેન્ડ થવા અથવા ટેક ઓફ માટે જરૂર પડે છે પરંતુ નૌસેના માટે એલસીએને ટેક ઓફ માત્ર 200 મીટરના રનવે પર અને લેન્ડિંગ અરેસ્ટર વાયરની મદદથી 100 મીટરના રનવે પર કરવાનું હોય છે. રક્ષા મંત્રી રાજનાથ સિંહે આ સફળતા માટે એડીએ, એચએએલ, ડીઆરડીઓ અને નૌસેનાને અભિનંદન આપ્યા છે. નેવલ એવિએશનને હંમેશા એર ફોર્સની તુલનામાં ખતરનાક માનવામાં આવે છે.
તેજસે 'અરેસ્ટ લેન્ડિંગ' કરી
દેશી હલ્કા લડાકૂ વિમાન (LCA) તેજસે નૌસેના માટે તૈયાર કરવામાં આવેલ સંસ્કરણ દેશનું પહેલું એવું વિમાન બની ગયું છે, જેણે સફળતાપૂર્વક 'અરેસ્ટ લેન્ડિંગ' કરી. નૌસેનામાં સામેલ કરવાની દિશામાં આ મોટી સફળતા માનવામાં આવી રહી છે. ઘણી ભૂમિકાઓ નિભાવવામાં સક્ષમ આ લડાકૂ વિમાને ટેસ્ટ ફેસિલિટીમાં લેન્ડ કરતા સમયે ઝટકાથી ઉભા રહેવા પોતાના ફ્યૂસલેજથી બાંધેલા હુકની મદદથી એક તારને પકડ્યો.
શું છે 'અરેસ્ટ લેન્ડિંગ' ?
કોઇપણ વિમાન માટે વિમાનવાહક પોત (યુદ્ધજહાજ) પર ઉતરવા માટે ખુબ જ ઓછા અંતરમાં પૂર્ણ રીતે થોભવા માટે સક્ષમ બનવું મહત્વપૂર્ણ છે. ગોવાના સમુદ્ર કિનારે સ્થિત ટેસ્ટ ફેસિલિટીમાં શુક્રવારે કરવામાં આવેલ પરીક્ષણ એવી જ પરિસ્થિતિમાં કરાયું, જે કોઇપણ વિમાનવાહક પોત (યુદ્ધજહાજ) પર જોવા મળતી હોય છે. જ્યાં વિમાનોને ઉતરવા માટે ડેક પર બાંધેલા તારને પકડવાના હોય છે. આ ક્રિયાને 'અરેસ્ટ લેન્ડિંગ' કહેવામાં આવે છે.