બળાત્કાર / ધર્મના ભાઇ બનાવેલ શિક્ષકે શિક્ષિકા પર આચર્યું સૃષ્ટિ વિરૂદ્ધનું કૃત્ય, પતિથી રહેતી હતી અલગ

પોલીસે ભોગ બનેલી મહિલા કે જેની ઉંમર આશરે ૪૨ વર્ષ છે અને અગાઉ શિક્ષિકા તરીકે નોકરી કરતાં હતાં. તેમની ફરિયાદ પરથી જ્યુપિલ પટેલ સામે આઇપીસી ૩૭૬,૩૭૭,૩૨૩,૫૦૬ (૨) મુજબ ગુનો નોંધ્યો છે. 

મહિલાએ ફરિયાદમાં જણાવ્યું છે કે ૨૦૧૭માં સાથે નોકરી કરતી વખતે જ્યુપિલ સાથે ઓળખાણ થઇ હતી. તે વખતે તે પતિથી અલગ એકલી રહેતી હતી. જે તે વખતે તેને ધર્મનો ભાઇ બનાવ્યો હતો. ઘરે આવવા-જવાનું પણ શરૂ થયું હતું. એ પછી જ્યુપિલે અવારનવાર જુદી-જુદી જગ્યાએ લઇ જઇ તેના પતિને અને દીકરાને મારી નાખવાની ધમકી આપી પરાણે શરીર સંબંધ બાંધી લઇ વી‌ડિયો ઉતારી લીધો હતો.

ત્યારબાદ આ વી‌ડિયો વાઇરલ કરી દેવાની ધમકી આપી જંક્શન પ્લોટના ગુડલક ગેસ્ટ હાઉસમાં, ખુદ ભોગ બનનાર મહિલાના ઘરે તથા ટી.એન. રાવ કોલેજ પાછળ આવેલા મકાને લઇ જઇ બળાત્કાર કરી તેમજ સૃષ્ટિ વિરુદ્ધનું કૃત્ય આચર્યું હતું.

જ્યુપિલ નોકરી કરતો હતો એ શાળામાંથી એક મહિના પહેલાં જ છૂટો થયો હતો, મહિલા ફરીથી તેના પતિ સાથે રહેવા માંડી છે. પીએસઆઇ એન. બી. ડો‌ડિયાએ ગુનો દાખલ કર્યો છે. પીએસઆઇ એન.એસ. સવ‌િનયાએ શિક્ષક જ્યુપિલની ધરપકડ કરી તપાસ હાથ ધરી છે.