Viral Video / છોકરાઓ સાથે જ કેમ આવું થાય! ટીચરની બર્થડેમાં થયું એવું કે સ્ટુડન્ટની થઈ ગઈ ધોલાઈ, જુઓ વાયરલ વીડિયો

• શિક્ષક સાથે મજાક કરવી પડી ભારે
• સેલિબ્રેશન વખતે વિદ્યાર્થીએ કરી મજાક
• શિક્ષકે વિદ્યાર્થીને ધોઇ નાંખ્યો 

 શાળામાં શિક્ષક સામે પોતાની સારી છાપ ઉભી કરવાના વિદ્યાર્થીઓ પ્રયત્નો કરતા હોય છે. પછી તે ટીચર્સ દિવસ હોય કે ટીચરની બર્થ ડે. વિદ્યાર્થીઓ દ્વારા શિક્ષક સામે ગુડ ઇમેજ ઉભી કરવા માટે ટીચર્સનું અનોખુ સ્વાગત, તેમના વિશે સારી વાતો વિશે જણાવે છે. ત્યારે એક એવો વીડિયો વાયરલ થયો જેમાં વિદ્યાર્થીઓ દ્વારા ટીચરની બર્થડે માટે ખાસ સેલિબ્રેશન કરવામાં આવ્યું. પરંતુ વિદ્યાર્થીએ એક એવી ભૂલ કરી કે શિક્ષકનો પિત્તો ગયો અને સેલિબ્રેશન પર પાણી ફરી વળ્યું.

વિદ્યાર્થીએ શિક્ષક સાથે કરી મજાક

સોશિયલ મીડિયા પર વાયરલ થયેલા એક વીડિયોમાં જોઈ શકાય છે કે ઘણા વિદ્યાર્થીઓ શિક્ષકનું સ્વાગત કરવા ક્લાસરૂમમાં બેઠા છે. વર્ગખંડને ફુગ્ગાઓ અને નાના પતંગોથી શણગારવામાં આવ્યો છે. શિક્ષક વર્ગમાં પ્રવેશીને ટેબલની સામે મૂકેલી ખુરશી પર બેસે કે તરત જ લોકો તાળીઓ પાડવા લાગ્યા. કેટલાક વિદ્યાર્થીઓ એવા પણ હતા જેઓ હાથમાં સ્નો સ્પ્રે લઈને ફરતા હતા. સ્પ્રે હવામાં ઉડાડવાને બદલે વિદ્યાર્થીએ શિક્ષકના ચહેરા પર સ્પ્રે છાંટવાનું શરૂ કર્યું. શિક્ષકે થોડી સેકંડ રાહ જોઇ કે વિદ્યાર્થી આમ કરવાનું બંધ કરે પરંતુ તેમ ન થયું. છેલ્લે શિક્ષકનો પિત્તો જતા વિદ્યાર્થીને ધીબેડી નાંખ્યો.

શિક્ષકે વિદ્યાર્થીને ધોઇ નાંખ્યો

શિક્ષક પોતાની સીટ પરથી ઉભા થયા અને પહેલા વિદ્યાર્થીના વાળ પકડ્યા અને પછી માથું નીચું કરીને પીઠમાં મુક્કો માર્યો. શિક્ષકે એક-બે નહીં પણ અનેક મુક્કા માર્યા. આ જોઈને ક્લાસરૂમમાં હાજર વિદ્યાર્થીઓ પણ હસવા લાગ્યા. થોડીક સેકન્ડનો આ વીડિયો ઈન્ટરનેટ પર ઘણો વાયરલ થયો હતો.

 

 

 

 

View this post on Instagram

 

 

 

 

 

 

 

 

 

 

 

A post shared by Be Harami (BH) (@be_harami)

સોશિયલ મીડિયામાં વીડિયો વાયરલ 

સોશિયલ મીડિયા પર લોકો આ વીડિયોને ખૂબ પસંદ કરી રહ્યા છે. ઇન્સ્ટાગ્રામ પર એક મીમ પેજ દ્વારા આ વિડિયો અપલોડ થતાં જ લોકોએ તેને ઘણો પસંદ કર્યો. આ વીડિયોને શેર કરતી વખતે કેપ્શનમાં લખ્યું હતું, 'બ્રેક મી'