લાંછન / VIDEO: નશાયુક્ત અધિકારી! ક્રિમિલિયર સર્ટી કઢાવવા ગયેલા વિદ્યાર્થીઓને 'દારૂડિયા' TDOએ ગાળો ભાંડી

• ડીસાના TDO નશાની હાલતમાં મળ્યા
• ક્રિમિલિયર સર્ટી કઢાવવા ગયા હતા વિદ્યાર્થીઓ
• વિદ્યાર્થીઓને અપશબ્દો બોલતા માથાકૂટ

બનાસકાંઠાના ડીસાના TDO નશાની હાલતમાં ઝડપાયા છે.. TDO બી.ડી. સોલંકી ચાલુ ઓફિસે નશાની હાલતમાં હતા. તે સમયે વિદ્યાર્થીઓ ક્રિમિલિયર સર્ટી કઢાવવા જતાં TDOએ વિદ્યાર્થીઓ સાથે અપશબ્દો બોલ્યા હતા. વિદ્યાર્થીઓને અપશબ્દો બોલતા માથાકૂટ થઈ હતી. જેથી વિદ્યાર્થીઓ ઓફિસમાં જતા TDO નશાની હાલતમાં ઝડપાઈ ગયા હતા.. 

TDO સામે શિક્ષાત્મક પગલા ક્યારે?
આ મામલે પોલીસને જાણ કરતાં TDOની અટકાયત કરવામાં આવી છે. જોકે સવાલ એ છે કે ચાલુ ફરજમાં TDO નશાની હાલતમાં ઝડપાય તે કેટલું યોગ્ય છે. અને ગુજરાતમાં દારૂ પર પ્રતિબંધ છે છતાં TDO દારૂ ક્યાંથી લાવ્યા અને કોણ દારૂનો સપ્લાય કરતું હતું તે તમામ સવાલોના જવાબ શોધવા જરૂરી છે. હવે TDO વિરુદ્ધ યોગ્ય કાર્યવાહી થાય છે કે કેમ તે તો સમય જ બતાવશે.

સળગતા સવાલ

• ડીસાના TDO વિરુદ્ધ કડક કાર્યવાહી થશે ખરી?
• TDO ચાલુ ઓફિસે દારૂ કઈ રીતે પી શકે?
• ગુજરાતમાં દારૂબંધી છે તો સરકારી અધિકારી દારૂ ક્યાંથી લાવ્યા?
• સરકારી અધિકારીઓ જ નશો કરશે તો લોકોને શું સલાહ આપશે?
• સરકારી કામકાજ કરવાના સ્થાને નશો કેવી રીતે કરી શકે?
• TDOને સસ્પેન્ડ કરવા કે અન્ય કોઈ કાર્યવાહી થશે ખરી?
• વિદ્યાર્થીઓ પર રૌફ જમાવતા અધિકારી દંડાશે?

આ પહેલા શિક્ષક દારૂ પી વિદ્યાર્થીને ભણાવતો હતો..!
દાદરા-નગર હવેલીની શાળાનો ચોંકાવનારો વીડિયો વાયરલ થયો હતો. જેમાં સ્કૂલમાં શિક્ષક દારૂ પીને આવ્યાનું હોવાનું ખૂલ્યું હતું. ખારવેલ વિસ્તારમાં દારૂના નશામાં શિક્ષક વર્ગખંડમાં આવ્યો. અને દારૂ પીધેલી હાલતમાં શિક્ષણ આપી રહ્યો હતો. વીડિયોમાં જોઈ શકાતું હતું કે શિક્ષકને બિલકુલ ભાન જ નથી. ઘટના સમયે ક્લાસના જ વિદ્યાર્થીઓએ શિક્ષકની હરકત મોબાઈલમાં શૂટ કરી દીધી. અને વીડિયો વાયરલ થતા હવે દાદરા-નગર હવેલી શિક્ષણ વિભાગ પણ હરકતમાં આવ્યું હતું. વીડિયોમાં નજરે પડી રહેલા શિક્ષકને તાત્કાલિક સસ્પેન્ડ કરી દેવાયા હતા. સમગ્ર મામલે સ્કૂલના આચાર્યને પણ કારણદર્શક નોટિસ પાઠવી દેવાઇ હતી.ત્યારે સવાલ એ છે કે શું ડીસાના TDO વિરુદ્ધ કડક કાર્યવાહી થશે ખરી કે મામલો રફેદફે થશે?