ખુશખબરી / DTH કંપનીઓએ રજૂ કરી શાનદાર ડીલ્સ, ફ્રી માં મળશે 120 દિવસનું સબ્સક્રિપ્શન

• DTH કંપની Tata Sky લૉન્ગ ટર્મ પ્લાનના માધ્યમથી ગ્રાહકોને વધારે લાભ આપી રહી છે
• આ પ્લાન હેઠળ ગ્રાહકોને સમગ્ર 120 દિવસ માટે પોતાની સર્વિસ મફતમાં આપશે
• 6 મહિનાના રિચાર્જ પર 15 દિવસ અને 12 મહિનાના રિચાર્જ પર 30 દિવસનું ફ્રી સબ્સક્રિપ્શન

ભારતીય માર્કેટમાં ડેટા પેકથી લઇને ડીટીએચ પ્લાન્સ વચ્ચે યુદ્ધ ચાલી રહ્યું છે જેમાં તમામ કંપનીઓએ યૂઝર્સ માટે ઓછી કિંમતના ડીટીએચ પેક્સ ઑફર કરી છે. તો બીજી બાજુ મોટાભાગના લોકો લાંબા સમયના પ્લાનને પસંદ કરી રહ્યા છે કારણ કે એમને યોગ્ય કિંમતમાં વધારે સુવિધાઓ મળી રહી છે. આ ઉપરાંત એમને દર મહિને ટીવી કનેક્શનને રિચાર્જ કરવું પડશે નહીં. 

તો બીજી બાજુ ડીટીએચ કંપનીઓને પણ ખૂબ લાભ થાય છે. સાથે જ ટીવી ચેનલ કંપનીઓ પણ પોતાની સાથે વધારેમાં વધારે લોકોને જોડવાનો પ્રયત્ન કરી રહી છે. ભારતની દિગ્ગજ DTH કંપની Tata Sky લૉન્ગ ટર્મ પ્લાનના માધ્યમથી ગ્રાહકોને વધારે લાભ પહોંચાડી રહી છે. કંપની હવે આ પ્લાન હેઠળ ગ્રાહકોને સમગ્ર 120 દિવસ માટે પોતાની સર્વિસ મફતમાં આપશે. 

Tata Skyની ઑફર 
લાંબા ગાળાના ગ્રાહકોને ખૂબ લાભ થનાર છે કારણ કે હવે કંપની એમને 12 મહિનાના રિચાર્જ પર કેશબેક આપશે. ટાટા સ્કાઇની આ કેશબેક એક મહિનાના રિચાર્જ સમાન થશે. એનો અર્થ એ છે કે હવે યૂઝર્સને 12 મહિનાના રિચાર્જ પર એક મહિનાનું ફ્રી માં સબ્સક્રિપ્શન મળશે. આ પહેલા ગ્રાહકોને 12 મહિના પૂર્ણ થયા બાદ જ કેશબેક મળતી હતી. તો બીજી બાજુ ટાટા સ્કાઇ રિચાર્જના 2 દિવસની અંદર જ કેશબેક આપશે. ટાટા સ્કાઇના એ પગલાથી દેશની અન્ય ડીટીએચ કંપનીઓને કડક પડકાર મળશે. 

લાંબા ગાળા વાળા પ્લાનના બેનિફિટ્સ
આજના સમયમાં માત્ર ડીટીએચ કંપનીઓ એવી છે, જે પોતાના ગ્રાહકોને લૉન્ગ ટર્મ પ્લાન પર ઘણા બધા લાભ આપે છે. તો બીજી બાજુ ડીટીએચના ગ્રાહકોને પણ ત્રણ મહિનાના રિચાર્જ પર 7 દિવસ, 6 મહિનાના રિચાર્જ પર 15 દિવસ અને 12 મહિનાના રિચાર્જ પર 30 દિવસનું ફ્રી સબ્સક્રિપ્શન મળે છે. જો કોઇ ગ્રાહક 22 મહિનાનું રિચાર્જ કરાવે છે, તો એને 60 દિવસનું ફ્રી સબ્સક્રિપ્શન મળશે. આ સાથે જ એમને 33 મહિનાના રિચાર્જ પર 90 દિવસ અને 44 મહિનાના રિચાર્જ પર 120 દિવસનું સબ્સક્રિપ્શન મળશે. 

ડિશ ટીવીની ઑફર 
જણાવી દઇએ કે ડિશ ટીવી પણ પોતાના ગ્રાહકોને લૉન્ગ ટર્મ પ્લાન ઑફર કરે છે. ડિશ ટીવીના ગ્રાહકોને 3 મહિનાના રિચાર્જ પર 7 દિવસ, 6 મહિનાના રિચાર્જ પર 15 દિવસ અને એક વર્ષના રિચાર્જ પર 30 દિવસનો લાભ મળે છે.