ટાટા સ્કાયએ ભારતમાં તેના એસડી અને એચડી સેટ-ટોપ બોક્સની કિંમતોમાં વધારો કરી દીધો છો. તમને જણાવી દઈએ કે, ફેબ્રુઆરીમાં ટાટા સ્કાયએ એસડી એટ-ટોપ બોક્સનું વેચાણ બંધ કરી દીધું હતું અને કંપની નવા ગ્રાહકોને માત્ર એચડી સેટઅપ બોક્સ જ વેચી રહી હતી, પરંતુ એકવાર ફરી નવી કિંમતો સાથે એસડી સેટ-ટોપ બોક્સ પાછું આવ્યું છે. એટલું જ નહીં ટાટા સ્કાયએ મલ્ટી ટીવી કનેક્શન ચાર્જ પણ વધારી દીધો છે. ચાલો જાણીએ નવી કિંમતો.
ટાટા સ્કાયએ ગ્રાહકોને આપ્યો ઝટકો
ટાટા સ્કાયએ મલ્ટી ટીવી કનેક્શન ચાર્જ વધાર્યા
સેટ ટોપ બોક્સના ભાવમાં પણ કર્યો વધારો
ટાટા સ્કાયએ એસડી અને એચડીની કિંમતો 100 રૂપિયા વધારી દીધી છે. ટાટા સ્કાયની ઓફિશિયલ વેબસાઈટ પર એસડી અને એચડી સેટ ટોપ બોક્સ મોડલને 1499 રૂપિયામાં લિસ્ટ કરવામાં આવ્યું છે. આ બંને સેટ ટોપ બોક્સ નવી કિંમતો સાથે કંપનીની ઓફિશિયલ વેબસાઈટ પર લિસ્ટ કરવામાં આવ્યા છે.
આ પહેલાં આ મોટલ 1399 રૂપિયામાં ઉપલબ્ધ હતું. એનો મતલબ એ કે, કિંમતમાં 100 રૂપિયાનો વધારો થયો છે. એચડી અને એસડી સેટ ટોપ બોક્સ સિવાય ડ્રીમડીટીએચની રિપોર્ટથી પણ એ વાત જાણવા મળી છે કે, કંપનીએ મલ્ટી કનેક્શન ચાર્જ પણ 200 રૂપિયા વધારી દીધો છે.
સેકેન્ડરી એસડી કનેક્શનનો ચાર્જ હવે 1299 રૂપિયાની જગ્યાએ 1399 રૂપિયા છે, જ્યારે સેકન્ડરી એચડી કનેક્શનનો ચાર્જ 999 રૂપિયાની જગ્યાએ 1199 રૂપિયા થઈ ગયો છે. ત્યાં જ એરટેલ ડિજિટલ ટીવીના એચડી સેટ ટોપ બોક્સની કિંમત 1300 રૂપિયા છે.