લોકપ્રિય કોમેડી સિરિયલ 'તારક મહેતા કા ઉલ્ટા ચશ્મા' હમેશાં ધમાલ-મસ્તી જોવા મળે છે. જોકે, હાલમાં જ સીરિયલમાં લોહડીનો તહેવાર ઉજવવામાં આવ્યો હતો. હવે સીરિયલમાં વરૂણ ધવન અને શ્રદ્ધા કપૂરના આગમનની તૈયારીઓ ચાલી રહી છે, પરંતુ આ દરમિયાન સોનલિકા ભિડે ઉર્ફે સોનુ પહોંચે છે. જેના કારણે આખી ગોકુલધામ સોસાયટી ચિંતિત છે.
હકીકતમાં, તે શોમાં બતાવવામાં આવી રહ્યું છે કે, વરૂણ ધવન અને શ્રદ્ધા કપૂર ટપુ સેનાની કોલેજમાં આવવાના છે. સોનુ ભિડે વરૂણ ધવનની બહુ મોટી ફેન છે અને તેને વરુણ ધવનની સામે પર્ફોમ કરવાની તક મળી છે. જેના માટે ટપુ સેના ક્લબ હાઉસમાં ડાંસ રિહર્સલ માટે પ્રેક્ટિસ કરે છે, પરંતુ આ દરમિયાન સોનુને ઈજા પહોંચે છે. તેના પગની ઘૂંટી વળી જાય છે, ત્યારબાદ તેને હોસ્પિટલમાં લઈ જવામાં આવે છે.
હવે જ્યારે સોનુને ઈજા પહોંચી છે તો એ જોવાની મજા આવશે કે સોનુ કઈ રીતે વરૂણ અને શ્રદ્ધા સામે ડાંક કરી શકશે કે પછી સોનુનો વરૂણ સામે પર્ફોર્મ કરવાનું સપનું અધૂરું રહી જશે. આ ઘટના વિશે વાત કરતા પલક સિધવાની એટલે કે સોનુએ કહ્યું, આ ઘટના મને રિયલ લાઈફની યાદ અપાવે છે. આવી જ રીતે હું એક સમયે મારા સ્કૂલ ફંક્શનમાં ડાંક કરવા માટે ઉત્સાહિત હતી અને તેની પ્રેક્ટિસ કરી રહી હતી, પરંતુ દુર્ભાગ્યપૂર્ણ હું પર્ફોમન્સના દિવસે જ પડી ગઈ હતી, જેથી હું પર્ફોર્મ નહોતી કરી શકી.
સોનુએ આગળ કહ્યું, હું આ ઘટનાથી ઘણી જ દુઃખી થઈ ગઈ હતી. પછી આગલા દિવસે મને મારી ટીચરે કહ્યું, તૂ એન્યુઅલ ડેમાં ભાગ લઈ શકે છે. પછી મેં એન્યુઅલ ડેમાં ભાગ લીધો અને એવોર્ડ જીત્યો હતો. શોમાં પણ કંઈક આવું જ થયું છે, ડાંસ પર્ફોમન્સના એક દિવસ પહેલાં મારો પગ વળી ગયો છે. જોકે, મેં મેનેજ કરવાનો ટ્રાય કર્યો છે. જ્યારે તમે શો જોશો ત્યારે તમને ખબર પડશે કે આ બધું કેવી રીતે થયું.