પ્રતિબંધ / આ રાજ્યમાં ઓનલાઈન ગેમ્સ રમવા પર કડક સજાની જોગવાઈ, સરકારે આપ્યું ગંભીર કારણ

• તામિલનાડુમાં ઓનલાઈન ગેમ્સ પર લાગ્યો પ્રતિબંધ 
• પાંચ હજારના દંડ અને છ મહિનાના જેલની જોગવાઈ 
• ઓનલાઈન ફ્રોડ અને સુસાઈડ કેસ રોકવા નિર્ણય 

રાજ્યમા ત્વરિત બંધ થશે ઓનલાઇન ગેમ

તામિલનાડુમાં કાઉન્ટર સ્ટ્રાઈક, પોકર અને રમી જેવી ગેમ્સને પ્રતિબંધિત કરી દેવામાં આવી જશે. માનવામાં આવી રહ્યું છે કે કર્ણાટક સહીતના બીજા રાજ્ય પણ આ જ નિર્ણય લઇ શકે છે. ઓનલાઈન ગેમ્સ બેન થયા બાદ હવે જે વ્યવસ્થા બનવવામાં આવી છે તે અનુસાર પાંચ હજારનો દંડ અને છ મહિનાની જેલ પણ થઇ શકે છે.  

શું છે કારણ ? 

રાજ્યપાલે જે આદેશ જાહેર કર્યો છે તે અનુસાર ઓનલાઈન ગેમ્સના કારણે રાજ્યમાં છેતરપિંડીના કેસ સામે આવી રહ્યા છે અને યુવાનોમાં આપઘાત કરવાના કેસ પણ સામે આવી રહ્યા છે, આમ સુસાઈડ અને ફ્રોડના કારણે આ બેન લગાવવામાં આવ્યો છે. 

ગેમ જ નહીં ઈલેક્ટ્રોનિક સાધનોની મદદથી સાયબર સ્પેસમાં કોઈ પણ પ્રકારની ગતિવિધિ માટે પ્રાઈઝ મની વહેંચવા માટે ઈ-ટ્રાન્સફર પર પણ આ પ્રતિબંધ લાદવામાં આવ્યો છે. નોંધનીય છે કે ઘણી બધી એવી ગેમ્સ છે જે ટૂર્નામેન્ટનું આયોજન કરે છે અને ઓનલાઈન જ તેના માટે પૈસા પડાવવામાં આવે છે અને સામે ઘણી બધી ગેમ ઇનામ પણ આપે છે. 

કર્ણાટકમાં બંધ થશે ઓનલાઇન ગેમ ? 

નોંધનીય છે કે કર્ણાટક સરકાર પણ મહત્વનો નિર્ણય કરી શકે છે. બાળકોને મોબાઇલની ટેવ અને ગેમ પાછળ વપરાતા પૈસાનું કારણ આપીને આ રાજ્યમાં ગેમ પર બેન મૂકી શકાય છે. રાજ્યના ગૃહમંત્રી બસવરાજ બોમ્મઈએ કહ્યું કે ઓનલાઇન ગેમ એક પ્રકારનો જુગાર છે.