Breaking News / અફઘાનિસ્તાનમાં તખ્તાપલટ નક્કી : કાબુલમાં ઘૂસ્યું તાલિબાન, આગામી કલાક ખૂબ જ 'ભારે'

• અફઘાનિસ્તાનની રાજધાનીમાં ઘૂસ્યા તાલિબાન
• કાબુલને તાલિબાનોએ ઘેરી લીધું, થઈ રહ્યું છે ફાયરિંગ
• અફઘાનિસ્તાનના બે તૃતિયાંશ વિસ્તારમાં તાલિબાનનો કબ્જો
• અંદાજે 20 પ્રાંત ઉપર તાલિબાનીઓનો કબ્જો

કાબુલ રૂપી છેલ્લો કિલ્લો પણ ધ્વસ્ત 
એક તરફ જ્યાં ભારત પોતાની આઝાદીનાં પર્વની ઉજવણી કરી રહ્યું છે ત્યાં બીજી તરફ અફઘાનિસ્તાનમાં તાલિબાન શાસન ફરીથી લાગુ થવા જઈ રહ્યું છે. તાલિબાન દેશની રાજધાની કાબુલમાં આવી ચડ્યું છે મીડિયા અહેવાલ ત્યાં ખૂનનો ખેલ રમાઈ રહ્યો છે. કાબુલમાં તાલિબાન તરફથી આદેશ આપી દેવામાં આવ્યા છે કે જે સામાન્ય નાગરિકો છે તે ઘરમાં જ રહે. 

Acting Afghan Interior Minister Abdul Sattar Mirzakwal said capital Kabul will not be attacked and that the transition will happen peacefully. He assures Kabul residents that security forces will ensure the security of the city: TOLOnews

— ANI (@ANI) August 15, 2021

તાલિબાનીઓ કહી રહ્યા છે કે હવે સત્તા હસ્તાંતરણ કરી દેવામાં આવે. સૂત્રો અનુસાર માનવામાં આવી રહ્યું છે કે બસ હવે થોડા કલાકોમાં જ અફઘાનિસ્તાનમાં સત્તા પલટો થઈ જશે. એવામાં આખા વિશ્વની નજર હવે કાબુલ પર છે. 

તાલિબાનનું શાસન શરૂ 
કાબુલને તાલિબાને ચારે તરફથી ઘેરી લીધું છે. તાલિબાને કહ્યું કે અમારે બળપૂર્વક કબજો કરવો ન હતો પરંતુ એવું કરવું પડી રહ્યું છે. 

અત્યાર સુધીની સૌથી મોટું એલાન 
આ બધાની વચ્ચે અફઘાનિસ્તાનનાં મંત્રીએ એલાન કરી દીધું છે કે હવે શાંતિપૂર્ણ માહોલમાં સત્તાનું હસ્તાંતરણ કરી દેવામાં આવશે. 

દેશ ખતરામાં હોવાની રાષ્ટ્રપતિએ કરી વાત 
છેલ્લા કેટલાક સમયગાળાથી અફઘાનિસ્તાનમાં તાલિબાનોનો પ્રભાવ વધી રહ્યો છે. ત્યારે રાષ્ટ્રપતિ અશરફ ગનીએ ગઈ કાલે નિવેદન આપતા કહ્યું કે અફઘાનિસ્તાન મુશ્કેલ સમયમાંથી પસાર થઈ રહ્યું છે. અફઘાનિસ્તાનમાં સ્થિરતા લાવવા માટે પ્રયાસ કરીશું. અમે હાલ અનેક દેશો પાસેથી સલાહ લઇ રહ્યા છીએ. હાલ તાલિબાન કાબુલથી 15 કિલોમીટર દૂર છે અને દેશના 65 ટકા વિસ્તારમાં તાલિબાનનો કબ્જો છે. ત્યારે હવે અશરફ ગની રાષ્ટ્રપતિ પદેથી રાજીનામું આપે તેવી પણ શક્યતા છે.

હેરાતના મોટા નેતા તાલિબાન સાથે જોડાયા
અફઘાનિસ્તાનમાં આતંકીનું વર્ચસ્વ વધતુ જઈ રહ્યું છે. એક બાદ એક શહેર પર તાલિબાની આતંકીઓ કબજો જમાવી રહ્યા છે.. અફઘાનિસ્તાનના હેરાતમાં પણ તાલિબાને કબજો જમાવ્યો છે. હેરાતના મોટા નેતા ઈસ્માઈલ ખાન પણ તાલિબાનમાં જોડાઈ ગયા છે.. તાલિબાને હેરાતમાં કબજો જમાવ્યા બાદ અમેરિકાના ઉપકરણો અને હથિયારોની લૂંટ કરી છે. અમેરિકી સૈન્યનું બ્લેક હોક હેલિકોપ્ટર કે જે હેરાત એરપોર્ટ પર હતું. તેમાં પણ લૂંટ કરી છે.