ક્રૂરતા / ભણેલી યુવતીઓને ઘરે ઘરે જઈને શોધી રહ્યા છે તાલિબાની, રેપ કરી મારી નાખવાની ઘમકી

• અફઘાનિસ્તાનમાં તાલિબાનનોની દહેશત 
• યુનિવર્સિટીની વિદ્યાર્થીનીઓને ઘરે ઘરે શોધી રહ્યા છે તાલિબાની
• બળાત્કાર કરવાની ધમકી 

અમેરિકી સેના સંપૂર્ણ રીતે અફઘાનિસ્તાન છોડી ચુકી છે અને કાબુલ એરપોર્ટ સહિત આખી રાજધાની પર તાલિબાનનો કબ્જો છે. પાછલા 20 વર્ષમાં અમેરિકાએ અફઘાનિસ્તાનમાં પોતાની શિક્ષા વ્યવસ્થા દ્વારા એક નવી પેઢી તૈયાર કરવાનો પ્રયત્ન કર્યો હતો. આજ ઉદ્દેશ્યથી રાજધાની કાબુલમાં અમેરિકી યુનિવર્સિટીની સ્થાપના કરવામાં આવી હતી જેમાં પશ્ચિમી શિક્ષા આપવામાં આવતી હતી. 

અફઘાનિસ્તાનના વિદ્યાર્થીઓ અને વિદ્યાર્થીઓ માટે આ યુનિવર્સિટીનો ક્રેઝ હતો પરંતુ હવે અમેરિકાના  ગયા બાદ  આ યુનિવર્સિટીના સ્ટૂડેન્ટ અને ખાસકરી યુવતીઓ ખતરો મહેસુસ કરી રહી છે. એક પત્રકારે પોતાની ટ્વીટમાં દાવો કર્યો છે કે તાલિબાને અમેરિકી યુનિવર્સિટીમાં ભણતી વિદ્યાર્થીનીઓને બળાત્કાર કરવા અને જાનથી મારી નાખવાની ધમકી આપવામાં આવી રહી છે. 

સૂત્રોના જણાવ્યા અનુસાર કાબુલમાં અમેરિકી યુનિવર્સિટીની વિદ્યાર્થીનીઓનું કહેવું છે કે તાલિબાનને તેના નામ અને ઘરનું એડ્રેસ ખબર છે. તેમને મેસેજ કરીને ધમકી આપવામાં આવી રહી છે. જેમાં રેપ કરવા અને જાનથી મારી નાખવાની ધમકી આપવામાં આવી રહી છે. 

ઘણી વિદ્યાર્થીનીઓ ઘરમાં છુપાયેલી
કાબુલ અને અફઘાનિસ્તાનના બીજા ભાગોમાં હાજર અમુક વિદ્યાર્થીઓએ જણાવ્યું કે તે છુપાઈને રહી રહ્યા છે અને તે ખૂબ જ ડરેલી હતી. અમેરિકી યુનિવર્સિટીની એક વિદ્યાર્થીનીએ કહ્યું કે, મારી ઓગસ્ટમાં જ સગાઈ થઈ હતી. હું પોતાના મંગેતરને પણ નથી મળી શકતી. મને ખૂબ જ ડર લાગી રહ્યો છે. હું શુ કરૂ મને કંઈ જ સમજાતુ નથી.     

જો તાલિબાની મને જોશો તો ઉઠાવીને લઈ જશે 
કાબુલના જ એક ભાગમાં છુપાઈને રહી રહેલી એક વિદ્યાર્થીનીએ જણાવ્યું કે, હું પોતાની બારીમાંથી બહાર પણ નથી જોઈ શકતી. જો તાલિબાન મને જોશે તો ઉઠાવી લઈ જશે. તે ભણેલી યુવતીઓને નિશાન  બનાવે છે. અમેરિકી સેનાના કાબુલથી પર ફર્યા બાદ યુવતીઓ પર ખતરો વધી ગયો છે. હજારો અફઘાની યુવતીઓએ પશ્ચિમી દેશોમાં શરણ માંગી હતી. પરંતુ દરેકને દેશમાંથી ન લઈ જઈ શકાયું. હવે આ બધી યુવતીઓ છુપાયેલી છે અને ખૂબ જ ડરેલી છે.